قازاقستان • 06 ءساۋىر، 2020

كۇشەيتىلگەن رەجىمگە كوشىرىلدى

56 رەت كورسەتىلدى

قازاقستاندا توتەنشە جاعداي رەجيمىن قامتاماسىز ەتۋ جونىندەگى ءىس-شارالارعا العاشقى كۇننەن باستاپ قارۋلى كۇشتەر، سونىڭ ىشىندە اۋە قورعانىس كۇشتەرىدە بەلسەندى تۇردە قاتىسۋدا. ناتيجەسىندە اسكەري ۇشقىشتار دا كۇشەيتىلگەن قىزەت رەجىمىنە كوشىرىلدى.

ولار العا قويىلعان مىندەتتەردى ورىنداۋعا ۇنەمى دايىن. قاراپايىم جانە كۇردەلى مەتەورولوگيالىق جاعدايلاردا، كۇندىز جانە تۇندە جولاۋشىلاردى، جۇكتەردى تاسىمالداۋعا ءتيىستى رۇقساتى بار ۇشۋ ەكيپاجدارىنىڭ تاۋلىكتىك كەزەكشىلىگى ۇيىمداستىرىلدى.

توتەنشە جاعداي كەزىندە وزدەرىنىڭ جاۋىنگەرلىك دايىندىعىن اسكەري-كولىك اۆياتسياسىنىڭ ەكيپاجدارى كورسەتتى. جاقىندا س-295 ۇشاقتارىندا دەزينفەكتسيالاۋ، بلوك بەكەتتەردە كەزەكشىلىكتى اتقارۋ، ەلدى مەكەندەردى پاترۋلدەۋ مىندەتتەرىن ورىنداۋ ءۇشىن قۇرلىق اسكەرلەرى مەن ارنايى جۇكتەردىڭ جەكە قۇرامىن لۋگوۆوي جانە جەتىگەن گارنيزوندارىنان ورال، قوستاناي جانە پەتروپاۆل قالالارىنا اۋىستىرۋ قولعا الىندى. اسكەري ۇشقىشتار 350-دەن استام اسكەري قىزمەتشى مەن 10 توننادان استام جۇك تاسىمالىن جاسادى.

– ءبىزدىڭ ءبولىمنىڭ اۆياتسيالىق تەحنيكاسىنىڭ تەحنيكالىق جانە جاۋىنگەرلىك جاعدايى، سونداي-اق ەكيپاجدىڭ دايىندىعى قويىلعان مىندەتتەردى تاۋلىك بويى جانە كەز كەلگەن مەتەوجاعدايلاردا ورىنداۋعا مۇمكىندىك بەرەدى. بۇگىنگى كۇنى ءبىزدىڭ اۆياتسيالىق بازادا توتەنشە جاعداي كەزىندەگى مىندەتتەردى ورىنداۋ ءۇشىن اسكەري-كولىكتىك جانە اسكەري اۆياتسيانىڭ دايىندالعان ۇشۋ قۇرامدارى بار. 24 ساعات بويى اسكەري ۇشقىشتار العاشقى بۇيرىق بويىنشا قازاقستان ازاماتتارىنىڭ دەنساۋلىعىن ساقتاۋعا باعىتتالعان مىندەتتەردى ورىنداۋ ءۇشىن ۇشۋلاردى جۇزەگە اسىرۋعا دايىن، – دەدى 53975 اسكەري ءبولىمىنىڭ كومانديرى، پولكوۆنيك نۇرلان بايدۋلاەۆ.

سونىمەن قاتار، اسكەري-كولىكتىك اۆياتسيانىڭ كۇشىمەن ەلگە قارعىزستان، تاجىكستان، ساۋد ارابياسى مەن كۋۆەيتتەن وتانداستارىمىز، سونىڭ ىشىندە شەت مەملەكەتتە ەم قابىلداپ جاتقان بالالار ەۆوكۋاتسيالاندى.

كەنەتتەن تۋىنداعان مىندەتتەردى ورىنداۋعا ازىرلىكتى ۇستاپ تۇرۋ، سونداي-اق ۇشۋ شەبەرلىگىنىڭ دەڭگەيىن ارتتىرۋ ماقساتىندا ءتىپتى توتەنشە جاعداي رەجىمى كەزىندە دە وقۋ-جاتتىعۋ ۇشۋلارى توقتاتىلمايدى. ۇشقىشتار اپتاسىنا ءۇش رەت ءتيىستى جاتتىعۋلار مەن نورماتيۆتەردى قامتيتىن ۇشۋلاردى ورىندايدى. ءاربىر ۇشۋدىڭ الدىندا ۇشۋ الدى باقىلاۋ دايىندىعى مەن ۇشۋ الدىنداعى نۇسقاۋلار جۇرگىزىلەدى.

جاۋىنگەرلىك دايىندىقپەن قاتار، اسكەري ۇشقىشتار مەن اۆيا-مامانداردىڭ دەنساۋلىق جاعدايى دا باقىلاۋدا. ولار كوروناۆيرۋس سيمپتومدارىمەن جانە سانيتارلىق-گيگيەنالىق نورمالارمەن تانىسقان. دەنساۋلىق قاۋىپسىزدىگىن قامتاماسىز ەتۋ ماقساتىندا ۇشۋ جانە ينجەنەرلىك-تەحنيكالىق قۇرامدار كۇن سايىن مەديتسينالىق تەكسەرۋدەن وتەدى.

اسكەري مەديتسينا قىزمەتكەرلەرى مەن بيولوگيالىق قورعاۋ بولىمشەلەرى اۆياتسيالىق تەحنيكانى، كازارمالىق ءۇي-جايلاردى، وقۋ سىنىپتارىن ارنايى ەرىتىندىلەرىمەن كۇندەلىكتى سانيتاريالىق جانە دەزينفەكتسيالىق وڭدەۋدەن وتكىزەدى.

سوڭعى جاڭالىقتار

«بارىستىڭ» باعىتى ايقىن

حوككەي • بۇگىن، 07:33

يتبالىققا «يتتىك» جاسالدى

ايماقتار • بۇگىن، 07:25

التىنساريندە قۇرىلىس قارقىندى

ايماقتار • بۇگىن، 07:11

تويدىڭ بۋى ءھام ماقتان

رۋحانيات • بۇگىن، 07:07

سويلەۋ – اقىلدىڭ ولشەمى

قوعام • بۇگىن، 07:03

جەرى دە، ەلى دە ابىز

رۋحانيات • بۇگىن، 06:57

ازيادا ۇزدىك ۇشتىكتەمىز

سپورت • بۇگىن، 06:45

اكىمدەر ءھام الەۋمەتتىك جەلى

ساياسات • بۇگىن، 06:40

قالدىق نەگە قاجەتسىز؟

ەكولوگيا • بۇگىن، 06:36

«جىرى» بىتپەيتىن جول

قوعام • بۇگىن، 06:32

ۇقساس جاڭالىقتار