قارجى • 06 ءساۋىر، 2020

دەپوزيتتەردىڭ ەڭ جوعارى مولشەرلەمەلەرى قايتا قارالدى

74 رەتكورسەتىلدى

قازاقستاننىڭ دەپوزيتتەرگە كەپىلدىك بەرۋ قورى (قدكبق، قور) بازالىق مولشەرلەمەنىڭ وزگەرگەنىن ەسكەرە وتىرىپ، مامىر ايى ءۇشىن تەڭگەدەگى دەپوزيتتەر بويىنشا ۇسىنىلعان ەڭ جوعارى مولشەرلەمەلەردىڭ بەكىتىلگەندىگىن جانە دەپوزيتتەردىڭ جەكەلەگەن توپتارى بويىنشا مولشەرلەمەلەردىڭ قايتا قارالعاندىعىن حابارلايدى.

وسىعان بايلانىستى، قازاقستاننىڭ ۇلتتىق بانكىنىڭ 6 ساۋىردەن باستاپ بازالىق مولشەرلەمەنى 12 پايىزدان 9،5 پايىزعا دەيىن تومەندەتۋ تۋرالى كەزەكتەن تىس شەشىمىنەن سوڭ، قدكبق مەرزىمسىز جانە قىسقا مەرزىمدى دەپوزيتتەر بويىنشا ەڭ جوعارى سىياقى مولشەرلەمەلەرىن تومەندەتتى. بۇل 2020 جىلدىڭ 1 مامىرىنان باستاپ قولدانىسقا ەنگىزىلەدى. 

قدكبق ادىستەمەسىنە سايكەس بازالىق مولشەرلەمەنىڭ وزگەرۋى تەك مامىر ايىنا ارنالعان ەڭ جوعارى مولشەرلەمەلەرگە عانا اسەر ەتتى. ال ءساۋىر ايىنىڭ مولشەرلەمەلەرى وزگەرگەن جوق.

بۇل رەتتە قىسقا مەرزىمدى سالىمدار تابىستىلىعىنىڭ كۇرت تومەندەۋىنە جول بەرمەس ءۇشىن جانە جاقىن كەلەشەكتە دەپوزيتتەردىڭ وسى توبى بويىنشا مولشەرلەمەلەر بىرتىندەپ تومەندەيتىندىكتەن،قور تومەندەتىلگەن بازالىق مولشەرلەمەگە قاتىستى سپرەدتى كوتەردى.بۇعان دەيىنگى ەڭ جوعارى مولشەرلەمەلەر ناۋرىز بەن ساۋىردە بازالىق مولشەرلەمەنىڭ وسكەندىگىن ەسكەرە وتىرىپ بەكىتىلگەن بولاتىن. ەڭ جوعارى مولشەرلەمەلەردى وزگەرتۋ الەمدىك جانە ىشكى نارىقتا قالىپتاسقان جاعدايعا بايلانىستى سالىمشىلاردىڭ مۇددەلەرىن قورعاۋ ءۇشىن دەر كەزىندە قابىلدانعان شارا بولدى.

سونىمەن تەڭگەدەگى مەرزىمسىز سالىمدار بويىنشا ەڭ جوعارى سىياقى مولشەرلەمەسى –- 12 پايىز. تولىقتىرۋعا بولاتىن، 3 جانە 6 ايلىق مەرزىمدى سالىمدار بويىنشا مولشەرلەمەلەر – 12 پايىزدى، ال تولىقتىرىلمايتىن ءتۇرى بويىنشا – 12،5 پايىزدى قۇرادى. وسى مەرزىمدەرگە ارنالعان، تولىقتىرىلاتىن جيناق دەپوزيتتەر بويىنشا مولشەرلەمەلەر – 13 پايىز، ال تولىقتىرىلىمايتىن ءتۇرى بويىنشا – 13،5 پايىز. جاڭارتىلعان مولشەرلەمەلەر سالىمداردى سارالاۋ، ياعني جىكتەۋ قاعيداسىنا تولىعىمەن جاۋاپ بەرەدى – تولىقتىرۋعا بولاتىن، قىسقا مەرزىمگە ارنالعان دەپوزيتتەر بويىنشا مولشەرلەمەلەر وسى سالىمداردىڭ تولىقتىرىلمايتىن ءتۇرى بويىنشا مولشەرلەمەلەردەن 0،5 پايىزدىق تارماققا تومەن.

تولىقتىرىلمايتىن جيناق دەپوزيتتەردى قوسپاعاندا ۇزاق مەرزىمدى سالىمدار بويىنشا 2020 جىلدىڭ مامىرىنا بەلگىلەنگەن مولشەرلەمەلەر وزگەرگەن جوق. ال تولىقتىرىلمايتىن جيناق دەپوزيتتەردىڭ مولشەرلەمەلەرى – 14،7 جانە 14،8 پايىزعا دەيىن تومەندەتىلدى. بۇل رەتتە ولار مولشەرلەمەلەرى قايتا قارالعان قىسقا مەرزىمدى دەپوزيتتەرمەن سالىستىرعاندا تارتىمدى بولىپ قالا بەرمەك. ويتكەنى جوعارى تابىستىلىقتى قامتاماسىز ەتەدى.


دەپوزيتتەر ساناتى

تولىقتىرىلاتىن دەپوزيتتەر بويىنشا، %

تولىقتىرىلمايتىن دەپوزيتتەر بويىنشا، %

2020ج. ءساۋىرى

2020ج. مامىرى

2020ج. ءساۋىرى

2020ج. مامىرى

مەرزىمسىز دەپوزيتتەر

12،5

12،0 ▼

12،5

12،0 ▼

مەرزىمدى دەپوزيتتەر

3 اي

13،0

12،0 ▼

13،0

12،5 ▼

6 اي

13،0

12،0▼

13،0

12،5 ▼

12 اي

10،7

10،7

12،2

12،2

24 اي

10،8

10،8

12،9

12،9

جيناق دەپوزيتتەر

3 اي

13،0

13،0

14،0

13،5 ▼

6 اي

13،4

13،0 ▼

14،0

13،5 ▼

12 اي

13،0

13،0

15،1

14،7 ▼

24 اي

12،6

12،6

15،5

14،8 ▼

 

الماتى

سوڭعى جاڭالىقتار

ۇقساس جاڭالىقتار