قوعام • 04 ءساۋىر، 2020

الماتى اكىمى جۇقپالى اۋرۋلار گوسپيتالىنىڭ قۇرىلىسىن باستاۋعا پارمەن بەردى

126 رەتكورسەتىلدى

بۇگىن الماتى قالاسىنىڭ اكىمى باقىتجان ساعىنتاەۆ الاتاۋ اۋدانىنداعى جاڭادان باستالعان پروۆيزورلىق گوسپيتالدىڭ قۇرىلىسى باستالعان الاڭعا بارىپ، ونداعى جۇمىستارمەن تانىستى.

گوسپيتال سالۋ تۋرالى شەشىمدى كوروناۆيرۋس ينفەكتسياسىنا قارسى كۇرەس ماقساتىندا قۇرىلعان قر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ تۋرالى مەملەكەتتىك كوميسسيا قابىلداعان بولاتىن.

تەز سالىناتىن بلوكتى قۇرىلىس جابدىقتارىمەن تۇرعىزىلاتىن نىسان 280 ورىنعا ارنالعان، ونىڭ ىشىندە 28-ءى ينتەنسيۆتى تەراپيا بولىمشەسىنە تيەسىلى بولادى.

مۇنداي بلوكتى قۇرىلىس جابدىقتارى اتالعان گوسپيتالدى وسىناۋ سىن ساعاتتا از ۋاقىت ىشىندە سالىپ بىتىرۋگە مۇمكىندىك بەرەدى.

گوسپيتال كوروناۆيرۋس ينفەكتسياسىن جۇقتىرعان ناۋقاستارمەن بايلانىستا بولعان جانە قاتەرلى ىندەتتى جۇقتىرۋى مۇمكىن دەگەن كۇدىكپەن ەسەپكە الىنعان ادامدارعا ارنالعان.

ۆ

«مۇنداي گوسپيتالدار بىزگە ىندەت جۇقتىرعان جانداردى دەر كەزىندە انىقتاۋعا، ولاردى دەرەۋ وقشاۋلاپ، ۋاقتىلى ءارى جۇيەلى ەم-دوم قابىلداۋىنا مۇمىندىك بەرەدى. ءسويتىپ ءبىز قاتەرلى ينفەكتسيانىڭ بەلەڭ الۋىنا جول بەرمەي، قالاداعى ەپيدەميولوگيالىق احۋالدى تۇراقتى ۇستاپ تۇراتىن بولامىز»، – دەدى الماتى قالاسىنىڭ اكىمى ب.ساعىنتاەۆ.

اتالعان نىساننىڭ جوسپارىمەن جانە سىزبالارىمەن تانىسقان باقىتجان ساعىنتاەۆ بۇگىندە ورنىن تەگىستەۋ جۇمىستارى باستالىپ كەتكەن جاڭا گوسپيتالدىڭ قۇرىلىس الاڭىن مۇقيات قاراپ شىقتى.

ا

سونداي-اق، قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلداەۆقا وسى جوبانى قولعا العان كومپانيا وكىلدەرىمەن بىرلەسىپ گوسپيتالعا اسا قاجەتتى قۇرال-جابدىقتار ماسەلەسىن دە پىسىقتاۋدى تاپسىردى.

مەردىگەر كومپانيا وكىلدەرىنە قولعا العان بارلىق جۇمىستى ساپالى ءارى ۋاقىتىندا ءبىتىرۋدى جۇكتەدى.

 

الماتى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار