سونىمەن قاتار قىتاي دارىگەرى كوروناۆيرۋسپەن اۋىرىپ, ساۋىققان ادامداردىڭ دا جاي-كۇيىنە توقتالدى. ونىڭ ايتۋىنشا, دەرت جۇعىپ, ساۋىققان ادامداردىڭ تىنىس الۋى بۇرىنعىسىنان 20-30 پايىز تومەندەگەن. ول قاتتى قيمىل جاساپ, جۇگىرگەن كەزدە بايقالىپ جاتىر. بۇل - ۋاقىتشا قۇبىلىس. بۇدان بۇرىن SARS جۇقپالى ىندەتىن جۇقتىرعان ادامداردىڭ دا وكپەسى ناشارلاپ, 6-12 ايدىڭ ىشىندە ساۋىققان دەدى.
قىتاي دارىگەرىنىڭ جوعارىداعى ىندەتتىڭ تىزگىندەلۋ ۋاقىتى جايلى بولجامىن باسقا ەلدىڭ ۆيرۋسولوگ ماماندارى دا قولداپ وتىر. ايتالىق, ددسۇ-نىڭ ەرەكشە باعدارلامالار جونىندەگى ديرەكتورى مايك رايان وتكەن اپتادا ۇيىمداستىرىلعان ءباسپاسوز كونفەرەنتسياسى كەزىندە ەۋروپاداعى احۋال تۇراقتانا باستادى, ياعني بۇل جالپى قۇرلىقتىق كارانتين ەرەجەسىنىڭ ناتيجەسى دەدى.
سول سياقتى, ۋاشينگتون ۋنيۆەرسيتەتىنىڭ دەنساۋلىق ساقتاۋدى باعدارلاۋ ورتالىعى وسى ايدىڭ 20-نان كەيىن دەرتتىڭ بەتى قايتا باستايدى دەگەن بولجامىن جاريالادى.
