«كەنمارت», «Magnum» جانە تاعى باسقالارى كارتوپ, پياز, ءسابىز جانە قىرىققاباتتى وزىندىك قۇنى بويىنشا ساتىپ جاتىر. بۇگىن ەلوردا اكىمى التاي كولگىنوۆ كوتەرمە-تاراتۋ ورتالىقتارىندا بولىپ, قالانىڭ سۋپەرماركەتتەرى مەن بازارلارىنىڭ جۇمىسىن تەكسەردى.
نۇر-سۇلتان قالاسىنىڭ اكىمدىگى الەۋمەتتىك ماڭىزى بار ازىق-ت ۇلىك باعاسىنىڭ نەگىزسىز وسۋىنە جول بەرمەۋ, قالاداعى كارانتين جانە توتەنشە جاعداي رەجيمى كەزىندە سانيتارلىق نورمالاردى ساقتاۋ بويىنشا شارالار كەشەنىن قابىلدادى. ەلوردادا تۇراقتاندىرۋ قورى قۇرىلدى. ساۋدا جەلىلەرىن جەڭىلدىكپەن نەسيەلەندىرۋ بويىنشا جۇمىستار جۇرگىزىلدى. «اينالىم سحەماسى» جوباسىنا «Magnum», «استىقجان», «كەنمارت», «Small», «شاپاعات», «ەۆرازيا», «ارتەم», «بيگ شانحاي» سياقتى ساۋدا ورىندارى قاتىسادى.
ساتۋشىلار اتاپ وتكەندەي, ازىق-ت ۇلىككە قاتىستى دۇربەلەڭگە ەشقانداي سەبەپ جوق, «تۇرعىندار سورەلەردە بارلىعى بار ەكەنىن كوردى, سوندىقتان دا العاشقى كۇندەردەگىدەي ازىق-ت ۇلىكتى قاپشىقتاپ ساتىپ الىپ جاتقان جوق». الەۋمەتتىك ماڭىزى بار ازىق-ت ۇلىك باعاسىنىڭ نەگىزسىز وسۋىنە جول بەرمەۋ جانە سانيتارلىق نورمالاردى ساقتاۋ بويىنشا پروكۋراتۋرا مەن مونوپولياعا قارسى ورگانداردىڭ قىزمەتكەرلەرى بىرلەسىپ رەيدتەر جۇرگىزەدى. ءتارتىپ بۇزۋشىلار جاۋاپكەرشىلىككە تارتىلادى.
