فوتو: depositphotos.com
اتالعان ءىس-شاراعا ارنايى قاتىسقان اياگوز اۋدانىنىڭ اكىمىنىڭ مىندەتىن اتقارۋشى ايبەك نۇعىماروۆ اتقارىلعان جۇمىستار تۋرالى ايتىپ بەردى.
«قوپا اۋىلىنداعى س. سەيفۋللين اتىنداعى جالپى ورتا ءبىلىم بەرەتىن مەكتەپتىڭ اۋلاسى اباتتاندىرىلىپ, ينفراقۇرىلىم نىساندارى ورناتىلدى. شاعىن ورتالىققا قاجەتتى جاعداي جاسالدى. سونىمەن قاتار ءبىلىم بەرۋ ۇيىمىنىڭ ماتەريالدىق-تەحنيكالىق بازاسى جاڭارتىلىپ, تەحنولوگيا, فيزيكا جانە حيميا كابينەتتەرى زاماناۋي قۇرال-جابدىقتارمەن جابدىقتالدى. ينتەراكتيۆتى پانەلدەر, مادەني ءىس-شارالار زالىنا ارنالعان جابدىقتار تولىقتىرىلدى. جاڭعىرتىلعان مەكتەپ عيماراتى مەن اۋلاسى وقۋشىلار ءۇشىن قاۋىپسىز ءارى جايلى ءبىلىم الۋ ورتاسىن قامتاماسىز ەتۋگە باعىتتالعان. بۇل جۇمىستارعا دەمەۋشىلىك جاساپ وتىرعان جانە جالپى ايماق كولەمىندە الەۋمەتتىك جاۋاپكەرشىلىك اياسىندا قولداۋ كورسەتىپ كەلە جاتقان اقتوعاي KAZ Minerals كومپانياسىنا العىز بىلدىرەمىز», دەيدى ا.نۇعىماروۆ.
بىلتىر 29 جەلتوقساندا مەكتەپتە جاڭا وقۋ كابينەتتەرى اشىلعان. ۇلدار مەن قىزدارعا ارنالعان زاماناۋي ەڭبەك كابينەتتەرى, تولىق جابدىقتالعان حيميا جانە فيزيكا كابينەتتەرى, سونداي-اق جاساندى ينتەللەكت كابينەتى پايدالانۋعا بەرىلگەن ەدى. بارلىق وقۋ كەڭىستىگى قازىرگى ءبىلىم بەرۋ ستاندارتتارىنا ساي جاساقتالىپ, تاجىريبەلىك وقىتۋعا بەيىمدەلدى.
اقتوعاي كەن ورنىنىڭ باس ديرەكتورى ەنتوني تودد مىرزا بۇل باستامانىڭ ءمانىن الەۋمەتتىك جاۋاپكەرشىلىك اياسىندا جاسالىپ جاتقان جۇمىس ەكەنىن اتاپ ءوتتى.
ء«بىز جۇمىس ىستەپ جاتقان وڭىرلەردە تەك وندىرىستىك كورسەتكىشتەرگە عانا ەمەس, جەرگىلىكتى قاۋىمداستىقتاردىڭ دامۋىنا دا باسىمدىق بەرەمىز. قوپا اۋىلىنداعى مەكتەپتى جاڭعىرتۋ – بولاشاق مامانداردى تاربيەلەۋگە قوسقان ۇلەسىمىز دەپ بىلەمىز. زاماناۋي زەرتحانالار مەن تەحنولوگيالىق كابينەتتەر وقۋشىلاردىڭ قىزىعۋشىلىعىن ارتتىرىپ قانا قويماي, ولاردىڭ بولاشاق كاسىبي باعدارىن ايقىنداۋعا مۇمكىندىك بەرەدى. بىلىمگە سالىنعان ينۆەستيتسيا – ءوڭىردىڭ ورنىقتى دامۋىنىڭ نەگىزى», دەيدى ول.
ونىڭ سوزىنشە, ينۆەستيتسيا وندىرىستەن تۇسكەن تابىستىڭ ءبىر بولىگى رەتىندە ەمەس, وڭىرلىك دامۋدىڭ وزەگىنە اينالعان. بۇل – ادام كاپيتالىن قالىپتاستىرۋعا باعىتتالعان ۇزاق مەرزىمدى ساياسات.
اۋىل مەكتەبىنىڭ زاماناۋي فورماتقا كوشۋى – جاستاردىڭ ساپالى ءبىلىم الۋىنا جول اشپاق. اۋىل مەكتەبى جاڭارسا – اۋىلدىڭ بولاشاعى نىعايا تۇسەرى ءسوزسىز. وسى رەتتە اۋىل تۇرعىندارى دا جاسالىپ جاتقان يگى جۇمىستارعا اعىنان اقتارىلىپ العىستارىن جەتكىزدى.
