ايماقتار • 04 ءساۋىر، 2020

ماڭعىستاۋدا قان تاپشىلىعى سەزىلۋدە

71 رەتكورسەتىلدى

ماڭعىستاۋ وبلىسى قان ورتالىعىنا كەلۋشى ەرىكتى دونورلار سانى كۇرت ازايدى. بىرەۋگە قان تاپسىرۋ ارقىلى ءومىر سىيلاۋ، بۇل الەمدەگى ەڭ قىمبات سىيلىق. جالپى قان قۇيۋ ومىرگە ءسابي كەلگەندە، جول-كولىك وقيعاسىنا تۇسكەندەردىڭ جانە تاعى باسقا دا اپاتتاردان زارداپ شەككەندەردىڭ ءومىرىن ساقتايدى، سونىمەن بىرگە اعزاسى اۋىر اۋرۋلارمەن، اتاپ ايتقاندا، قاتەرلى ىسىكپەن كۇرەسەتىن ادامدارعا اۋاداي قاجەت، دەپ حابارلايدى ماڭعىستاۋ وبلىستىق دەنساۋلىق ساقتاۋ باسقارماسى ءباسپاسوز قىزمەتى.

بۇگىندە تەرىس فاكتورى بار ءبىرىنشى، ەكىنشى جانە ءۇشىنشى توپتاعى قاننىڭ بولماۋى ءبىراز قيىندىق تۋعىزىپ وتىر. سونداي-اق، ترومبوتسيتتەر دونورلارى قاجەت. ءاربىر ادام وبلىستىق قان ورتالىعىنا كەلىپ، دونور بولا الادى. الايدا ساۋاپتى ىسكە ات سالىسۋعا دايىن تۇرعان بەلسەندىلەر ازايعان.

دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىڭ تاراۋىن پاندەميا دەپ جاريالانعان كۇننەن باستاپ، بارلىق ەلدەردە ساقتىق شارالارى مىقتاپ قولعا الىندى. مەملەكەت باسشىسى قاسىم-جومارت توقاەۆ ەلدە توتەنشە جاعداي جاريالادى. ال، ۇستىمىزدەگى جىلى ءساۋىر ايىنىڭ 3 مەن 15 ارالىعىندا ماڭعىستاۋ وڭىرىندە كارانتين ەنگىزىلدى. ياعني كوشەگە شىعۋشىلار ازايدى. بىراق، قانعا سۇرانىس كۇن ساناپ ارتا تۇسۋدە. سول سەبەپتى وبلىستىق قان ورتالىعى ەرىكتى دونور بولاتىن جانداردى كۇتەدى.

ماڭعىستاۋ وبلىسى قان ورتالىعى قان دايىنداۋ ءبولىمىنىڭ مەڭگەرۋشىسى گۇلنافيس كۋناشەۆا قان تاپسىرىپ تۇرۋ ادام اعزاسىنا پايدالى ەكەنىن ايتادى. اسىرەسە، قان-تامىرلار اۋرۋىنا شالدىقپاۋعا سەپتىگىن تيگىزەدى جانە قان قىسىمىن تومەندەتەدى.

-قاندى ۇيدە جاتىپ ونلاين رەجيمدە تاپسىرا المايدى. سول سەبەپتى قان ورتالىعىنا اياقتاي كەلۋگە تۋرا كەلەدى. ءبىزدىڭ ورتالىق دەمالىسسىز جۇمىس جاساۋدا. ساعات تاڭەرتەڭگى 09.00 مەن كۇندىزگى 13.30 ارالىعىندا كەلۋگە بولادى. مەكەنجايى: اقتاۋ قالاسى 34 ش/ا ورنالاسقان. دونور بولعىسى كەلەتىندەر بولسا كۇنى بۇرىن دايىندالىپ كەلگۋگە كەڭەس بەرەمىز. كەشكى ساعات 18.00-دەن كەيىن مايلى تاماق جەۋگە بولمايدى. سۇيىق تاعامدى ءىشىپ، جاقسى دەمالىپ كەلگەن دۇرىس. تاڭەرتەڭ ءسۇتسىز ءشاي ىشۋگە جانە پىسپەنان جەۋگە بولادى. ءاربىر كەلۋشى بەتپەردە، باحيلا جانە مەديتسينالىق قولعاپپەن قامتاماسىز ەتىلەدى، دەيدى ول.

نەگىزىنەن قان جانە ونىڭ كومپونەنتتەرى وبلىستىق جانە قالالىق پەريناتالدىق ورتالىقتارعا، ونكولوگيالىق ديسپانسەر، وبلىستىق جانە كوپبەيىندى بالالار اۋرۋحاناسىندا ەم الىپ جاتقان ناۋقاستارعا اسا قاجەت.

قان تاپسىرۋ ادامنىڭ اعزاسىنا وڭ ناتيجە بەرەدى. قورقاتىن ەشتەڭەسى جوق. كەيبىر ادامداردا قاتە تۇسىنىك بار، ياعني قان تاپسىرعاندا يممۋنيتەت ءتۇسىپ كەتەدى دەۋشىلەر كوپ، الايدا قان تاپسىرعان ادامنىڭ يممۋنيتەتى كەرىسىنشە كوتەرىلەدى. ادام بويىندا جاڭا كلەتكالار پايدا بولىپ، قان جاڭارادى. قان ورتالىعىنىڭ باسشىلىعى سول سەبەپتى ساۋاپتى ىستەن قۇر قالماۋعا شاقىردى.  

 

ماڭعىستاۋ وبلىسى

 

 

 

 

 

سوڭعى جاڭالىقتار

ۇقساس جاڭالىقتار