ەلباسى • 04 ءساۋىر، 2020

ەلباسىنىڭ دەنساۋلىعى جاقسى، جۇمىسىن جالعاستىرىپ جاتىر - ايدوس ۇكىباي

119 رەتكورسەتىلدى

ەلباسىنىڭ ءباسپاسوز حاتشىسى ايدوس ۇكىباي ەل ىشىندە نۇرسۇلتان نازارباەۆتىڭ دەنساۋلىق جاعدايىنا قاتىستى تاراعان قاۋەسەتتى جوققا شىعاردى. بۇل تۋرالى قازاقپارات حابارلادى.

«كەشە قاۋىپسىزدىك كەڭەسىنىڭ توراعاسى نۇرسۇلتان نازارباەۆ بىرقاتار ءوڭىر اكىمدەرىمەن تەلەفون ارقىلى سويلەستى. وسى ورايدا، ءبىرىنشى كەزەكتە، توتەنشە جاعداي كەزىندە حالىقتىڭ قاۋىپسىزدىگىن قامتاماسىز ەتۋدىڭ وزەكتى ماسەلەلەرىنىڭ تالقىلانۋى قالىپتى جاعداي. قاتاڭ كارانتيندىك تالاپتار اياسىندا ەلباسىنىڭ جۇمىس كابينەتىنە كىرۋ تۇرعىسىندا دا شەكتەۋ بار ەكەنىن ءتۇسىنۋ كەرەك. الايدا شەكتەۋگە قاراماستان، ءباسپاسوز قىزمەتى تۇڭعىش پرەزيدەنتتىڭ قىزمەتى تۋرالى حالىقتى دەر كەزىندە اقپاراتتاندىرۋعا تىرىسۋدا» دەدى ايدوس ۇكىباي.

وسى ورايدا ول ءباسپاسوز قىزمەتى بۇعان دەيىن تاراعان اقپاراتتارعا شولۋ جاساپ، ولارعا قاتىستى پىكىر بىلدىرمەگەنىن اتاپ ءوتتى.

«دەگەنمەن سوڭعى كەزدەرى جەكەلەگەن ادامدار ەلدەگى جاعدايدى تۇراقسىزداندىرۋ بويىنشا بەلسەندى ارەكەتتەر جاساۋدا. ونىڭ ىشىندە ەلباسىنىڭ دەنساۋلىعىنا قاتىستى شىندىققا جاناسپايتىن قاۋەسەت تاراتۋعا تىرىسۋدا. وسىنىڭ بارلىعى - ارانداتۋ مەن جالعان اقپارات» دەپ اتاپ ءوتتى ءباسپاسوز حاتشىسى.

سونداي-اق ايدوس ۇكىباي تۇڭعىش پرەزيدەنتتىڭ دەنساۋلىق جاعدايى جاقسى ەكەنىن، سونىمەن قاتار، ەلباسى وتان يگىلىگى ءۇشىن كارانتين كەزىندە دە جۇمىسىن جالعاستىرىپ جاتقانىن ايتتى.

«ەگەر دە بىرەۋدىڭ كۇمانى بولسا، كەشە ەلباسى سويلەسكەن اكىمدەردىڭ كەز كەلگەنىنەن سۇراسىن. ەنگىزىلگەن شەكتەۋلەردىڭ بارلىعى توقتاعان كەزدە، تۇڭعىش پرەزيدەنتتىڭ قاتىسۋىمەن وتكەن جۇمىس كەزدەسۋلەرى نەمەسە كەڭەستەردەن ۆيدەوجازبانى جەكە ءوزىم جاساۋعا ۋادە ەتەمىن» دەدى ايدوس ۇكىباي.

ەسكە سالا كەتسەك، كەشە ەلباسى ءوڭىر اكىمدەرىمەن حالىقتىڭ قاۋىپسىزدىگىن قامتاماسىز ەتۋ دايىندىعىن تالقىلاعان بولاتىن.

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار