ەكونوميكا • 03 ءساۋىر، 2020

حالىقارالىق داۋلاردى شەشۋدە ونلاين جۇيە قولدانىلادى

23 رەتكورسەتىلدى

احقو سوتى مەن حالىقارالىق تورەلىك ورتالىعى كوروناۆيرۋستىڭ پاندەمياسىنا بايلانىستى ونلاين قىزمەتكە يەك ارتادى. ەكى ورگان داۋلاردى شەشۋ قىزمەتتەرىنە كەدەرگىسىز قول جەتكىزۋ جانە پايدالانۋشىلار مەن قىزمەتكەرلەردىڭ دەنساۋلىعى مەن قاۋىپسىزدىگىن ساقتاۋ ءۇشىن كەرەكتى شارالار قابىلدادى.

ۇكىمەتتىڭ قاۋلىسىنا سايكەس، داۋلاردى شەشۋدىڭ بارلىق ونلاين-قىزمەتىن اقىسىز ۇسىنباق. احقو سوتى مەن حتو-عا شاعىمداردى ەكى ورگاننىڭ رەسمي سايتتارىندا سىلتەمەلەرى بار eJustice ەلەكتروندىق ادىلەت جۇيەسى ارقىلى ونلاين رەجيمىندە بەرۋگە بولادى. داۋلاردى اۋديو جانە ۆيدەو تەحنولوگياسىن قولدانا وتىرىپ، ەلەكتروندى قۇجات الماسۋ ارقىلى شەشىلەدى. داۋ تاراپتارى سوت تورەلىگىنە قول جەتكىزۋ ءۇشىن ۇيلەرىنەن نەمەسە كەڭسەلەرىنەن شىعۋدىڭ قاجەتى جوق. بۇگىنگى تاڭدا حتو مەدياتسيا ەرەجەلەرىن قولدانا وتىرىپ 57 مەدياتسيا پروتسەسى جۇزەگە اسىرىلدى. حتو سونىمەن قاتار ەكى اربيتراجدىق شاعىمدى قاراستىرۋدا. احقو سوتى ءوز كەزەگىندە ءبىر ءىستى قاراستىردى.

سوت تورەلىگىن ونلاين رەجيمىندە قامتاماسىز ەتۋ ءۇشىن قابىلدانعان شارالاردان بولەك، جاقىن ارادا احقو سوت جانە حتو-نىڭ ونلاين ۆەبينارلارى سكە قوسىلماق. ولار زاڭ جانە بيزنەس قاۋىمداستىقتارعا احقو سوتى مەن حتو جۇمىسى تۋرالى جانە قۇقىقتىق تاقىرىپتاردى تالقىلاۋ، سونداي-اق COVID-19 كوروناۆيرۋسىنا قاتىستى ماسەلەلەر ماقساتىندا جاريالانادى.

احقو سوتى مەن حتو كوممەرتسيالىق داۋلاردى ء«بىر تەرەزە» نەگىزىندە شەشۋگە ارنالعان بارلىق قىزمەت تۇرلەرىن ۇسىنادى. ەكى ورگان دا قازاقستان رەسپۋبليكاسىنىڭ سوت جۇيەسىنەن تاۋەلسىز جانە احقو-داعى ازاماتتىق جانە كوممەرتسيالىق داۋلاردى، سونداي-اق تاراپتار احقو سوتى مەن حتو-نىڭ يۋريسديكتسياسىن قولدانۋعا كەلىسىم بەرگەن داۋلاردى شەشۋدىڭ جوعارى حالىقارالىق ستاندارتتارىنا سايكەس جۇمىس ىستەيدى. احقو سوتى جانە حتو-نىڭ سۋديالارى، اربيترلارى، دەلدالدار، پروتسەدۋرالار، پراكتيكا جانە ستاندارتتار الەمنىڭ ءىرى قارجى ورتالىقتارىندا جۇمىس ىستەيتىن كومپانيالارعا تانىمال.

كريستوفەر كەمپبەلل-حولت، احقو سوتى جانە حتو تىركەۋشىسى جانە اپپارات باسشىسى:

ء«بىز COVID-19 كوروناۆيرۋسىمەن بايلانىستى جاعدايدىڭ دامۋىن مۇقيات قاداعالايمىز جانە احقو سوتى مەن حتو جۇيەسىنىڭ ءتيىمدى جۇمىس ىستەۋىن قامتاماسىز ەتۋ ءۇشىن بارلىق قاجەتتى شارالاردى قولدانامىز. قازىرگى ۋاقىتتا احقو سوتى مەن حتو بارلىق شاعىمدار مەن سوت وتىرىستارىن، تاراپتاردىڭ ۇيلەرىنەن شىعىپ، دەنساۋلىعىنا قاۋىپ توندىرمەستەن، ونلاين رەجيمىندە جۇزەگە اسىرايدى. ينۆەستورلار مەن كاسىپكەرلەر وزدەرىنىڭ داۋلارى احقو سوتى مەن حتو-دا ونلاين رەجيمىندە، زاڭدىلىقتىڭ جوعارى ستاندارتتارىن قولدانا وتىرىپ، ۇنەمدى جانە ۋاقتىلى شەشىلەتىنىنە سەنىمدى بولا الادى».         

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار