– گازەتىمىزدىڭ 2015 جىلعى 27 ماۋسىم كۇنگى سانىندا شىققان ءىلال احمەديدىڭ «اۋدان ءباسپاسوز قىزمەتىنىڭ تاريحىنان» اتتى ماقالاسىندا – ء«بىزدىڭ ماي اۋداندىق گازەتىمىزدىڭ العاشقى اتاۋى «ستالين تۋى» بولىپتى. تۇڭعىش رەداكتور ب. التىباساروۆ دەگەن ازامات ەدى. شاعىن عانا گازەت. جۇرت ونى التىباساروۆتىڭ ءالجۋاز شاعىن دەنە بىتىمىنە قاراي «التىباساروۆتىڭ گازەتى» اتاپ كەتكەن-ءدى» دەپ جازادى, – دەيدى اۋداندىق گازەتتىڭ قازىرگى رەداكتورى التىنبەك بايعاليەۆ.
1965 جىلدىڭ 1 مامىرى كۇنى «ماياك» اتالعان اۋداندىق گازەتتىڭ العاشقى سانى ءىلال ءاحماديدىڭ باسشىلىعىمەن جارىق كورەدى.
– وسى جىلدارى 19 جاسىمدا گازەتكە ورىس تىلىندەگى اقپاراتتاردى قازاقشالايتىن, اۋدارماشى ءارى ءتىلشى بولىپ قىزمەتكە كەلدىم. وسى گازەتتەگى العاشقى ەڭبەك جولىم ارقىلى ۇلكەن جولعا ءتۇسىپ, قوعامدىق ومىرگە ارالاستىم, – دەيدى جۋرناليست سوتسيال ايتەن ۇلى.
كەيىنگى جىلدارى گازەت رەداكتورلارى بولىپ ءا.احمەتوۆ, ۆ.شۆايكو, گ.نۇرماعانبەتوۆا, ق.تەمىرعالينوۆ, گ.ءدۇرمانوۆا, ج.تولەۋباەۆ, س.جاقىپوۆ, ە.ءجۇمادىلوۆ, س.مۇحتاروۆتار قىزمەت اتقاردى. مارقۇم باقىت ابىلقاسوۆا, ءنۇربيبى جاناقوۆا, سۇلۋبيكە ومىشەۆا, ورمان حاميت ۇلى, ايمان اقتاندار تىلشىلەر لەگىن جالعاستىردى.
ەگەمەندىك العان سوڭ «ستالين», «ماياك» دەگەن اتاۋلارمەن قوشتاسىپ, «شامشىراق» كەلدى جارقىراپ. قازاق رەداكتسياسىنىڭ نەگىزىن قالاعان جۋرناليستەر قايىر جۇنىسقاليەۆ, سوۆەت جاقىپوۆ, سەرىك مۇحتاروۆ «شامشىراقتىڭ» جارىعى شالقۋىنا ۇلەس قوستى.
جيىن بارىسىندا وتكەن جىلداردىڭ سۋرەتتەرى, سارعايعان گازەتتەر قويىلعان كورمە ۇيىمداستىرىلىپ جانە گازەتتىڭ بەلسەندى اۆتورلارى قايىر جۇماجانوۆ, عابيت ساپاروۆ, جاڭبىرباي ادامجانوۆ, ەرتىسباي جۇمابەكوۆ, بەرىك ەسكەندىروۆتەر اۋداندىق ءماسليحاتتىڭ العىس حاتتارىمەن ماراپاتتالدى.
اۋداندىق «شامشىراق» گازەتى دە اقپارات اعىنى تاسقىنداعان ۋاقىتقا ساي ينتەرنەتپەن جارىسا اۋىلداعى وقىرمانىنا اسىعادى.
پاۆلودار وبلىسى,
ماي اۋدانى
