وسىعان بايلانىستى وبلىستىق كاسىپكەرلىك پالاتاسىنان كومەك سۇراعان جەرگىلىكتى ديقاندار وتىنىشىنە وراي ماسەلە جەتە زەرتتەلدى. ايماقتاعى ساۋدا ورتالىقتارى قويمالارىندا 3 مىڭ توننا شاماسىندا كۇرىش ساقتالىپ تۇرعانى بەلگىلى بولدى. مۇنان وزگە ءىرى شارۋاشىلىقتار اقتالماعان 190 مىڭ توننا ءونىم بارلىعى ناقتىلاندى. بۇل كولەم ىشكى نارىقتى ارتىعىمەن قامتۋعا جەتەدى.
- ونىڭ ۇستىنە ءوڭىر ديقاندارى وسى جىلدىڭ كۇزىنە دەيىن ءبىراز مەملەكەتپەن ەكسپورتقا كۇرىش جەتكىزىپ بەرۋ ءۇشىن الدىن الا ۇزاق مەرزىمدى كەلىسىم-شارتقا قول قويىپ قويعان. بۇل سالاداعى كاسىپكەرلەر نەگىزگى تابىستى ەكسپورتتان تاۋىپ وتىر, ءونىمدى سىرتقا شىعارۋعا تىيىم ولاردى وسى تابىستان ايىرادى. سوندىقتان دا ءبىز «اتامەكەننىڭ» ورتالىق اپپاراتىنا ۇسىنىس جىبەردىك. ورتالىق اپپارات ءتيىستى مينيسترلىكتەرگە شۇعىل شىعىپ, كاسىپكەرلەردىڭ پروبلەماسىن جەتكىزدى. ناتيجەسىندە, قازاقستاندىق كۇرىش ەكسپورتقا كەدەرگىسىز شىعاتىن بولدى, - دەيدى كاسىپكەرلەر پالاتاسىنىڭ ءبولىم باستىعى جاسۇلان سەرىكوۆ.
