قوعام • 02 ءساۋىر، 2020

ەلىمىز باسقا مەملەكەتتەرگە تاۋەلدى بولماي، ءوز ازاماتتارىن ازىق-ت ۇلىكپەن قامتاماسىز ەتۋى ءتيىس

439 رەتكورسەتىلدى

اگرارلىق سالادا «نە ەكسەڭ، سونى وراسىڭ»دەگەن ماقال بار. مەنىڭ ويىمشا، پرەزيدەنتىمىزدىڭ كەشەگى سويلەگەن ءسوزى بارىمىزگە ەلىمىزدىڭ وسى جاھاندىق داعدارىستان لايىقتى شىعا الاتىنىنا سەنىم تۋعىزدى.

سونداي-اق ماعان مەملەكەت باسشىسى دەڭگەيىندە ءبىرىنشى رەت ەلىمىزدەگى ەگىس ناۋقانىنا تەڭدەسى جوق قولداۋ كورسەتكەنى ۇنادى. پاندەميانىڭ ارقاسىندا ءبىز تاعى دا ءوز اۋىل شارۋاشىلىعىمىزدى دامىتۋدىڭ قاجەتتىگىن ءتۇسىنىپ، اششى ساباق الدىق. وسىدان كەيىن مەملەكەتىمىزدە اگرارلىق سالانىڭ ءبىرىنشى ورىندا بولۋ كەرەكتىگىن تۇسىنگەن شىعارمىز. دانا حالقىمىز: «التىن-كۇمىس تاس ەكەن، ارپا-بيداي اس ەكەن» دەپ بەكەر ايتپاسا كەرەك... ءبىزدىڭ ەلىمىز باسقا مەملەكەتتەرگە تاۋەلدى بولماي، ءوز ازاماتتارىن ازىق-ت ۇلىكپەن قامتاماسىز ەتۋى ءتيىس، بۇل ەلىمىزدىڭ ازىق-ت ۇلىك قاۋىپسىزدىگى بولىپ تابىلادى. ول ءۇشىن اگرارلىق جانە بيولوگيالىق عىلىمداردى دامىتۋعا، جوعارى بىلىكتى كادرلاردى دايارلاۋعا قارجى ۇنەمدەۋدى قويۋ كەرەك.

بيىلعى ەگىس ماۋسىمىن وتكىزۋگە كەلەتىن بولساق، مەملەكەت بۇل ءۇشىن بارلىق قاجەتتى شارالاردى قولعا الدى. ەندى، ەڭ باستىسى، بولىنگەن نەسيەلەردىڭ وسى كومەكتى قاجەت ەتىپ وتىرعان ورتا جانە ۇساق فەرمەرلىك شارۋاشىلىقتارعا جەتۋى ماڭىزدى. ءبىزدىڭ ۋنيۆەرسيتەت وقىتۋشىلارى ستۋدەنتتەردى قاشىقتىقتان وقىتۋ بويىنشا جۇمىستىڭ كوپتىگىنە قاراماستان، قازاقستاننىڭ نەگىزگى استىق ەگەتىن وبلىستارىندا كوكتەمگى ەگىس جۇمىستارىن جۇرگىزۋ بويىنشا ۇسىنىستارىن دايىنداۋدا. تۇقىمدىق ماتەريالدى ساراپتاۋدى اياقتايمىز. قازىرگى ۋاقىتتا سولتۇستىك وبلىستارداعى 24 ەليت-تۇقىم شارۋاشىلىقتارىنىڭ تۇقىمدارى تەكسەرىلدى.

بۇدان ءارى وسى جىلدىڭ اگروتەحنولوگياسىنىڭ ەرەكشەلىكتەرى بويىنشا فەرمەرلەر ءۇشىن سەمينارلار مەن كەڭەستەر وتكىزەمىز. ايتا كەتۋ كەرەك، بۇل جۇمىستار ءۇشىن بىزگە ەشكىم اقى تولەمەيدى، وعان فەرمەرلەردىڭ ارتىق قارجىسى جوق. ءبىزدىڭ عالىمدار مۇنى جاقسى تۇسىنەدى. بىراق وسىنداي داعدارىس كەزىندەگى الداعى ەگىن سالۋ ناۋقانىندا قول قۋسىرىپ وتىرۋعا بولمايدى. بيىلعى جىلى ەگىس القاپتارىندا ىلعالدىڭ جەتكىلىكتى بولۋى دا قۋانتادى. بۇل جىلدا استىق مول بولۋ كەرەك. وعان قوسا مەملەكەت تاراپىنان وسىنداي قولداۋ كورسەتىلىپ وتىرعاندا، ەلىمىزدىڭ اگراريلەرى جاقسى ءونىم الۋى ءتيىس. ولارعا ساتتىلىك تىلەيمىز!

 

اقىلبەك كۇرىشباەۆ،

س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ رەكتورى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار