كوروناۆيرۋس • 02 ءساۋىر، 2020

كوروناۆيرۋستىق ينفەكتسياعا قارسى كۇرەسكە 23،4 ملرد تەڭگە ءبولىندى

17 رەتكورسەتىلدى

مەملەكەتتىڭ داعدارىسقا قارسى ءىس-شارالار جوسپارى دايىن. وندا  سالىقتىق پرەفەرەنتسيالار مەن قولداۋدى ەسەپتەمەگەندە، داعدارىسقا قارسى شارالارعا قوسىمشا  5،9 ترلن تەڭگە كوزدەلىپ وتىر. ونىڭ ىشىندە 2 جارىم ترلن تەڭگە بيۋدجەتتەن تىس قاراجات ەسەبىنەن كوزدەلسە، 3 جارىم ترلن تەڭگە رەسپۋبليكالىق بيۋدجەت ەسەبىنەن قارجىلاندىرۋ جوسپارلانعان. بۇل تۋرالى پرەزيدەنت جانىنداعى ورتالىق كوممۋنيكاتسيالار قىزمەتىنىڭ الاڭىندا وتكەن جيىندا قارجى مينيسترلىگىنىڭ ءبىرىنشى ۆيتسە-ءمينيسترى بەرىك شولپانقۇلوۆ مالىمدەدى.

جيىن بارىسىندا بەلگىلى بولعانداي ماكروەكونوميكالىق كورسەتكىشتەردىڭ وزگەرۋىنە بايلانىستى 315،6 ملرد تەڭگە كەشەندى ءىس-شارالارعا باعىتتالىپ وتىر. وسى قاراجات ەسەبىنەن اعىمداعى جىلدىڭ 1 ساۋىرىنەن باستاپ الەۋمەتتىك تولەمدەردى يندەكستەۋ جانە شەتەل ۆاليۋتاسى باعامىنىڭ وزگەرۋىنە بايلانىستى شىعىستاردى جابۋ جۇزەگە اسىرىلماق. بۇعان قوسا، مەملەكەت باسشىسىنىڭ جەكەلەگەن تاپسىرمالارىن ىسكە اسىرۋعا 293،3 ملرد تەڭگە باعىتتاۋ ۇسىنىلىپ وتىر. ءبىرىنشى قارجى ۆيتسە-ءمينيسترىنىڭ ايتۋىنشا، كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ءىس-شارالاردى قارجىلاندىرۋعا، سونداي-اق الەۋمەتتىك ماڭىزى بار ازىق-ت ۇلىكتەردى ساتىپ الۋعا ۇكىمەت رەزەۆرىنەن بۇگىنگى كۇنگە دەيىن 39،1 ملرد تەڭگە بولىنگەن.

̶  كوروناۆيرۋستىق ينفەكتسياعا قارسى كۇرەس بويىنشا جۇرگىزىلەتىن ەپيدەمياعا قارسى شارالارعا جالپى سوماسى 23،4 ملرد تەڭگە ءبولىندى. سونداي-اق، جەكە قورعانۋ قۇرالدارىن، دەزينفەكتسيالاۋ قۇرالدارىن، دارىلىك زاتتار مەن مەديتسينالىق بۇيىمداردى ساتىپ الۋعا – 20،6 ملرد تەڭگە، كوروناۆيرۋستى انىقتاۋ ءۇشىن تەپلوۆيزورلاردى، زەرتحانالىق جابدىقتاردى جانە تەست-جۇيەلەردى ساتىپ الۋعا – 2،7 ملرد تەڭگە، قازاقستان ازاماتتارىن قىتايدان كوشىرۋگە 131 ملن تەڭگە ءبولىندى، – دەدى ب.شولپانقۇلوۆ. سونىمەن قاتار، اتالعان قاراجات اياسىندا وڭىرلەرگە جەكە قورعانۋ قۇرالدارىن، دەزينفەكتسيالاۋ، ءدارى-دارمەك جانە مەديتسينالىق بۇيىمداردى ساتىپ الۋعا 11،6 ملرد تەڭگە اۋدارىلدى. ونىڭ ىشىندە نۇر – سۇلتان مەن الماتى قالاسىنا  ̶  1،4 ملرد  تەڭگەدەن، شىمكەنت قالاسىنا  ̶ 605 ملن تەڭگە باعىتتالعان.

قارجى مينيسترلىگىنىڭ ءبىرىنشى ۆيتسە-ءمينيسترىنىڭ ايتۋىنشا، مەملەكەت باسشىسىنىڭ تاپسىرماسى سايكەس 2020 جىلعا ارنالعان بيۋدجەتتى ناقتىلاۋ شەڭبەرىندە ەپيدەمياعا قارسى شارالارعا قوسىمشا 125 283،5 ملن تەڭگە قاراستىرىلادى. ونىڭ ىشىندە كارانتين كەزىندە دەنساۋلىق ساقتاۋ جۇيەسىنىڭ قىزمەتكەرلەرىن ىنتالاندىرۋعا ̶ 40 609،8 ملن تەڭگە، كوروناۆيرۋستىق ينفەكتسيامەن اۋىراتىن ادامداردى جانە كۇدىكتى ەمدەۋگە جاتقىزىلعان ادامداردى ەمدەۋ ءۇشىن، سونداي-اق COVID-19 جاڭا كوروناۆيرۋستىق ينفەكتسيامەن اۋىراتىن ناۋقاستارمەن قارىم-قاتىناسقا كۇدىكتى وقشاۋلاۋ ماقساتىندا مەديتسينالىق ۇيىمدارعا مەديتسينالىق قىزمەتتەر ءۇشىن 19 509،6 ملن تەڭگە قاراستىرىلماق. سونىمەن قاتار، نۇر-سۇلتان، شىمكەنت جانە الماتى قالالارىندا 3 مەديتسينالىق مودۋلدىك كەشەن قۇرىلىسىنا 14 800 ملن تەڭگە بولىنبەك.  

مەملەكەتتىڭ ەكونوميكانى قولداۋعا باعىتتالعان كەشەندى شارالارى كەزىندە شاعىن جانە ورتا كاسىپكەرلىكتى سالىقتان بوساتۋ تۋرالى شەشىم قابىلدادى. بۇل ەڭ الدىمەن مەملەكەت قازىناسىنا سالىق ەسەبىنەن تۇسەتىن تابىستىڭ كەمۋىنە اكەلەدى. بۇدان بولەك قازىرگى مۇناي باعاسىنىڭ كۇرت تومەندەۋى دە ەكونوميكاسى شيكىزاتقا تاۋەلدى ءبىزدىڭ ەل ءۇشىن وڭاي بولمايتىن دەپ تۇر.  ب.شولپانقۇلوۆ بايانداماسىندا بيۋدجەتكە تۇسەتىن كىرىستەر جايىندا اقپارت بەرىلدى. شاعىن جانە ورتا كاسىپكەرلەردى سالىقتان بوساتقان 3 اي ىشىندە رەسپۋبليكالىق جانە جەرگىلىكتى بيۋدجەتكە شامامەن 1،2 ملرد تەڭگە تۇسپەيتىنى انىقتالىپ وتىر. بۇعان قوسا، قارجى ءبىرىنشى ۆيتسە-ءمينيسترى ب. شولپانقۇلوۆتىڭ بۇعان دەيىن مۇناي مەن مۇناي ونىمدەرىنىڭ ەكسپورتىنا تىكەلەي بايلانىستى ەكسپورتتىق كەدەندىك باج 700 ملرد تەڭگەگە دەيىن تومەندەتىلگەنىن، ەندى بۇل سوما 300 ملرد تەڭگەگە دەيىن تومەندەگەنىن ايتتى. بولجام بويىنشا، مۇناي باعاسى 20 دوللاردان اساتىن بولسا، ەكسپورتتىق كەدەندىك باج سالىعى بويىنشا بيۋدجەتكە ەشقانداي ءتۇسىم تۇسپەيدى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار