«مىسالى, «جول كارتاسى-2020» شەڭبەرىندە ماڭعىستاۋ وبلىسىنىڭ اۋداندارىندا وڭىرلەردى دامىتۋ باعدارلاماسى بويىنشا 13 جاڭا مادەنيەت نىسانىن سالۋ جانە 2 نىساندا جوندەۋ جۇمىستارىن جۇرگىزۋ كوزدەلىپ وتىر. جاڭا قۇرىلىستاردىڭ 8-ءى اۋىلدىق جەرلەردەگى كلۋب تيپتەس وبەكتىلەر», - دەدى مينيستر.
سونداي-اق ءمينيستردىڭ ايتۋىنشا, الماتى وبلىسىندا «جۇمىسپەن قامتۋدىڭ جول كارتاسى» اياسىندا 14 جوبا جۇزەگە اسىرىلۋدا. 12 مادەنيەت وبەكتىسىندە كۇردەلى جوندەۋ جۇمىستارى جۇرگىزىلەدى, 2 مادەنيەت وبەكتىسىن قايتا جاڭارتۋ جوسپارلانۋدا.
«اتىراۋ وبلىسى قىزىلقوعا اۋدانى ويىل اۋىلىنداعى «شالقىما» مادەنيەت ۇيىندە كۇردەلى جوندەۋ جۇمىستارى جۇرگىزىلەدى. قاراعاندى وبلىسىندا جول كارتاسى اياسىندا 927 جۇمىس ورنى قۇرىلىپ, جوشى حاننىڭ تاريحي-مادەني كەشەنىنىڭ قۇرىلىسىن اتسالىسپاق. ونىڭ ىشىندە جۇمىسپەن قامتۋ ورتالىقتارى ارقىلى – 463 ادام تارتىلماق. قوستاناي وبلىسىندا ارقالىق قالاسىنداعى دالا ولكەسىنىڭ تاريحي وبلىستىق مۇراجايى عيماراتىنا كۇردەلى جوندەۋ جۇرگىزۋ, قوستاناي اۋدانىنىڭ زارەچنىي جانە وكتيابرسكوە اۋىلدارىنىڭ مادەنيەت ۇيلەرىنىڭ عيماراتىنا اعىمداعى جوندەۋ جۇرگىزۋ جوسپارلانعان», - دەدى مينيستر.
