«بۇگىنگىدەي شتاتتان تىس جاعدايدا شەت مەملەكەتتەردە جۇرگەن دەمالۋشىلارعا قولداۋ كورسەتۋ ماقساتىندا 2016 جىلى ۇكىمەتتىڭ قاۋلىسىمەن «تۋريستىك قامقور» قورى قۇرىلعان بولاتىن جانە تۋريستىك قىزمەتتەردى ۇسىنۋ شارتتارى ارقاشان ۋاكىلەتتى ورگاننىڭ باقىلاۋىندا. مىنە وسىنداي كەشەندى ءىس-شارانىڭ ارقاسىندا ءبىز ەلدە توتەنشە جاعداي جاريالانعان تۇستا شەت ەلگە شىققان 5 913 ءتۋريستى دەر كەزىندە ۇيىمداستىرعان تۇردە ەلگە قايتاردىق. ونىڭ 1 823-ءى جوسپارلى تۇردە قايتارىلسا, 3 748 ءتۋريستى ارنايى ۇيىمداستىرىلعان 19 چارتەرلىك رەيسپەن اكەلدىك. تاعى 342 ادامدى شەتەلدىك اۋە تاسىمالداۋشىلارىمەن كەلىسىپ, ارنايى باعىتتار ارقىلى جەتكىزدىك», - دەدى مينيستر.
ونىڭ ايتۋىنشا, ەلگە جەتكىزىلگەن ءار تۋريست قازاقستاننىڭ سانيتارلىق قىزمەتى بەكىتكەن ەرەجەلەرگە سايكەس تەكسەرۋدەن ءوتتى.
«مىسالى, «تۋريستىك قامقور» قورىنىڭ مالىمەتىنە سايكەس, جىل باسىندا, دالىرەك ايتسام 28-قاڭتار كۇنگى دەرەكتەر بويىنشا كوروناۆيرۋس وشاعى سانالعان قىتاي حالىق رەسپۋبليكاسىنىڭ حاينان اۋماعىندا 1 163 تۋريست بولعان ەكەن. ونىڭ 958-ءى – قازاقستان ازاماتى, قالعان 205 ادام – ەلىمىز ارقىلى ساياحاتتاۋدى ءجون ساناعان باسقا مەملەكەت ازاماتتارى.
مىنە, وسى 1 163 ءتۋريستىڭ بارلىعى ىندەت تاراعان ايماقتان تۇگەلدەي ەلگە جەتكىزىلدى», - دەدى اقتوتى رايىمقۇلوۆا.
ءمينيستردىڭ ايتۋىنشا, ءدال قازىرگى كۇنى تۋريستىك قامقورىنىڭ مالىمەتىنە سايكەس شەت ەلدە (دەنيس رىجوۆ ەسىمدى) الماتى قالاسىنىڭ ءبىر تۇرعىنى عانا قالدى. ول كىسى دەمالىپ جۇرگەندە ينسۋلت الىپ, قازىر سول شەتەلدىڭ اۋرۋحاناسىندا ەم الىپ جاتىر (دومينيكان رەسپۋبليكاسىنىڭ سانتو-دومينگو قالاسىندا).
