جالپى, وبلىس ورتالىعى بويىنشا 26116 وقۋشى قالاداعى مەكتەپتەردە ءبىلىم الادى ەكەن. ال 3900 بالا قالا ماڭىنداعى ءبىلىم وردالارىندا وقيدى. ولارعا 2481 مۇعالىم ءدارىس بەرمەك. تالدىقورعان قالالىق ءبىلىم ءبولىمى ماماندارى ونلاين رەجيمىندە ساباق وتۋگە بارلىق جاعداي جاسالعانىن ايتادى. ياعني, بارلىق مۇعالىمدەر مەن وقۋشىلار ءۇشىن ينتەرنەت جەلىسى قولجەتىمدى ەكەن. ال قاشىقتان وقىتۋ 4 باعىت بويىنشا جۇرگىزىلمەك. تالدىقورعاندىق وقۋشىلاردىڭ «ەلارنا», «بالاپان» تەلەارنالارىندا وتكىزىلەتىن تەلەساباقتارمەن قوسا, قازاق راديوسى, قازپوشتا جانە ينتەرنەت جەلىسى ارقىلى دا قوسىمشا ءبىلىم الۋىنا مۇمكىندىك جاسالماق. قازىر BilimLand سايتى, Yوutube جەلىسى, Daryn.online ينتەرنەت-رەسۋرستارىن قولدانۋ بويىنشا وقۋشىلار مەن اتا-انالارعا ءتۇسىندىرۋ جۇمىسى ءجۇرىپ جاتىر.
- قالا مەكتەپتەرىندە وقيتىن بالالاردىڭ قاشىقتان ءبىلىم الۋىنا بار جاعداي جاسالۋدا. اتاپ ايتقاندا, تەحنيكالىق قۇرال-جابدىقتى قاجەت ەتەتىن از قامتىلعان وتباسىنان شىققان 163 وقۋشىعا ۋاقىتشا پايدالانۋعا نوۋتبۋكتەر بەرىلسە, 200 وتباسى «Otau-TV» تەلەديدار انتەنناسىمەن قامتىلدى. سونىمەن بىرگە «قازاقتەلەكوم» كومپانياسىمەن كەلىسىم شارت بويىنشا, الەۋمەتتىك جاعىنان قورعالماعان 40 وتباسى ينتەرنەت جەلىسىنە تەگىن قوسىلدى, - دەيدى تالدىقورعان قالاسى اكىمىنىڭ ورىنباسارى ساۋلە ارزانبەكوۆا.
