جالپى حالىقارالىق ماڭىزعا يە «تاشكەنت-الماتى-تەرمەز» تاس جولىنداعى «اقجار» «شىمكەنت-سامارا» باعىتىنداعى ياعني قالادان تۇركىستانعا شىعاتىن «بادام» بەكەتى مەن «باتىس ەۋروپا-باتىس قىتاي» كولىك دالىزىنە قوسىلاتىن «بوزارىق» بەكەتتەرىن ارالاپ كوردى.
مۇرات دۇيسەنبەك ۇلى ءبىرىنشى كەزەكتە بارلىق بەكەتتەردە «جاسىل ءدالىز» ۇيىمداستىرۋدى تاپسىردى. ول جەردەن تىرشىلىكتى قامتاماسىز ەتەتىن كولىكتەر ازىق-ت ۇلىك تاسىمالداۋشى ماشينالار مەن ترانزيتتىك جۇك كولىكتەرى باسقا دا ارنايى تەحنيكالار كەدەرگىسىز وتەدى.
كولىك جۇرگىزۋشىلەرى مەن ونىڭ سالونىنداعى جولاۋشى مىندەتتى تۇردە تىركەۋگە الىنىپ, مەديتسينالىق قۇرىلعىمەن تەكسەرىلىپ وتكىزىلەدى. بلوك-بەكەتتەردە مەديتسينالىق قىزمەتكەرلەر مەن قۇزىرلى ورگان وكىلدەرى اكىمشىلىك قىزمەتكەرلەرى دە اۋىسىممەن تاۋلىك بويى قىزمەت اتقارىپ جاتىر.
مۇرات ايتەنوۆ بلوك-بەكەتتەردە تۇرعان جولاۋشىلارعا شەكتەۋ كەزىندەگى تالاپتاردى ساقتاپ ۇيلەرىنە قايتۋعا كەڭەس بەردى. ويتكەنى قالا اۋماعى ۇلكەن, ميللوندى حالقى بار. وعان قوسا شەكتەۋ قويىلعان كۇننىڭ وزىندە قالا ارقىلى ارلى-بەرى 200 مىڭعا جۋىق حالىق قاتىنايدى ەكەن. شىمكەنت توعىز جولدىڭ تورابىندا جاتىر. سوندىقتان قالا اكىمى قاۋىپسىزدىك شارالارىن بارىنشا كۇشەيتۋگە شاقىردى.
قازىر قالادا 18 بلوك-بەكەتتەرى تاۋلىك بويى جۇمىس ىستەپ تۇر.
شىمكەنت
