«EGov-كە («ەلەكتروندىق ۇكىمەت» پورتالى) كىرۋ ءۇشىن كومپيۋتەرى جوق ادامدار بار. ءبىز Telegram-بوتتاعى جۇمىستاردى اياقتاپ جانە تاڭەرتەڭنەن باستاپ ۇيالى تەلەفون ارقىلى دا ءوتىنىش بەرۋدى ۇسىنامىز. ول ءۇشىن قوسىمشانى جۇكتەپ الۋ قاجەت, ءوز دەرەكتەرىڭىزدى – ءتاا, جسن جانە بانكتىك شوتىڭىزدىڭ ءنومىرىن ەنگىزىپ, «42 500 تەڭگە تولەم» قىزمەتىن تاڭداپ, SMS-حابارلاما ارقىلى پارول الىپ, ونى بەكىتۋ قاجەت. ياعني, ءبىز وسىلايشا ءبارىن جەڭىلدەتەمىز», دەدى كەشە ورتالىق كوممۋنيكاتسيالار قىزمەتىندە ونلاين بريفينگ وتكىزگەن ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ.
ازاماتتاردان الەۋمەتتىك تولەمدەر الۋعا ءوتىنىش بەرگەن كەزدە دەرەكتەردى جاۋاپكەرشىلىكپەن تولتىرۋدى سۇراعان مينيستر: «ەڭ ءبىرىنشى, سىزدەن مالىمەتتەرىڭىزدى دۇرىس تولتىرۋدى سۇرايمىز. بار بولعانى ءۇش باعان: اتى-ءجونى, جسن جانە كارتا شوتى. دوس, تانىس ەمەس, ءوزىڭىزدىڭ جەكە شوتىڭىزدى كورسەتۋ كەرەك. ويتكەنى الەۋمەتتىك تولەمدى تاعايىنداۋدا ءسىزدىڭ تەگىڭىز كارتوچكا يەسىمەن سالىستىرىلاتىن بولادى», دەدى.
Telegram-بوت ارقىلى ءوتىنىش بەرۋدىڭ جولدارى مىناداي:
- ءوتىنىش بەرۋشى Telegram-عا كىرىپ, «EgovKzBot2.0» ىزدەپ تابۋ كەرەك;
- «توتەنشە جاعداي كەزىندە 42 500 تولەۋ» قىزمەتىن تاڭدايدى;
- ءوتىنىش جازۋ ءۇشىن قاجەتتى دەرەكتەردى تولتىرادى, ءوز دەرەكتەرىن كورسەتەدى. سوسىن ونى جىبەرەدى.
- ءوتىنىش «ەڭبەك نارىعى» اقپاراتتىق جۇيەسىنە كەلىپ تۇسەدى, 1 كۇن ىشىندە دەرەكتەر تەكسەرۋدەن وتەدى (بىرىڭعاي جيىنتىق تولەمدى تولەۋشىلەردىڭ وتىنىشتەرى تەكسەرۋدەن وتپەيدى);
- اقپارات «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق-قا ءوتىنىشتى وڭدەۋ ءۇشىن «ە-ماكەت» اقپاراتتىق جۇيەسىنە 1 كۇن ىشىندە تۇسەدى;
- «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق جاردەماقى تاعايىنداۋ جانە تولەۋ ءۇشىن ماسق-عا ءوتىنىش جىبەرەدى;
- Telegram-عا الەۋمەتتىك تولەمنىڭ تاعايىندالۋى تۋرالى جاۋاپ جىبەرىلەدى.
تولەم ەكىنشى دەڭگەيدەگى بانكتەردەگى (ەدب) تولەم الۋشىنىڭ شوتىنا اۋدارىلادى.
ايتا كەتەيىك, توتەنشە جاعداي كەزىندە تابىسىنان ايىرىلعاندارعا ماسق-تان ايىنا 42 500 بەرىلەدى (ەڭ تومەنگى جالاقى), ول مىنا ساناتتاعى ازاماتتارعا تاعايىندالادى:
- ورتا, شاعىن جانە ميكروبيزنەس سۋبەكتىلەرىنىڭ قىزمەتكەرلەرى;
- جەكە كاسىپكەرلەر (جك);
- جەكە پراكتيكامەن اينالىساتىن ادامدار (نوتاريۋس, جەكە سوت ورىنداۋشىسى, ادۆوكات, كاسىبي مەدياتور) (جپ);
- بىرىڭعاي جيىنتىق تولەمدى تولەۋشىلەر (بجت);
- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار (اقس) بويىنشا تابىس تاباتىن, سالىق اگەنتتەرى ولار ءۇشىن مىندەتتى زەينەتاقى جارنالارىن تولەيتىن ادامدار;
- كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى.
