وسى جىلى جەرگىلىكتى ديقاندار 88,2 مىڭ گەكتار القاپقا كۇرىش سەپپەك. سونداي-اق 97,8 مىڭ گەكتار ءداندى, 6 گەكتار مايلى, 61,6 مىڭ مالازىقتىق, 17,7 مىڭ گەكتار كارتوپ, كوكونىس-باقشا ەگەدى.
ەگىسكە قاجەتتى تۇقىم دايىنداۋ ماسەلەسى تولىق شەشىمىن تاپقان. قولدا 22948 توننا جوعارى رەپرودۋكتسيالى كۇرىش تۇقىمى بار, بۇل كولەم قاجەتتى مولشەردەن اسىپ تۇسەدى. وعان قوسا 683 توننا جازدىق بيداي, 94 توننا ارپا, 17,6 توننا س ۇلى, 32,7 توننا جۇگەرى, 10,1 توننا تارى, 274,4 توننا جوڭىشقا, 95, 2 توننا ماقسارى جانە 37,7 توننا سويا تۇقىمى قامبادا تۇر.
– بىلتىر قاراتاۋ بوكتەرىنە اكۆاگەل ارقىلى جازدىق بيداي مەن ماقسارى ەكتىك. «پازىلبەك» شارۋا قوجالىعى اۋماعىنا 80 گەكتار كۇزدىك بيداي سەبىلدى. قازىر سول بيدايدىڭ شىعىمى جاقسى. ال بيىل مامانداردىڭ زەرتتەۋىنشە, وبلىس اۋماعىندا سۋ تاپشى بولادى. بىلتىرعىمەن سالىستىرعاندا بىزگە 1 ملن تەكشەمەتر سۋ از ءتۇسۋى مۇمكىن. وسىعان بايلانىستى ارتاراپتاندىرۋعا كوڭىل ءبولىپ, توپىراقتاعى تۇزدى ازايتىپ, مال ازىعىنا جارايتىن داقىلداردى ەككەن ءجون, – دەيدى ى.جاقاەۆ اتىنداعى قازاق كۇرىش عزي ديرەكتورى باقىتجان دۇيسەمبەكوۆ.
وبلىستا وتكەن جىلى شارۋا قوجالىقتارى مەن عزي ماماندارى تاجىريبە رەتىندە 40 گەكتارعا سويا ەگىپتى. باستاما ءوزىنىڭ تيىمدىلىگىن كورسەتتى. وسى جىلى كورشى مەملەكەتتەردەن سۇرانىس مول بولاتىن داقىل كولەمىن 290 گەكتارعا جەتكىزۋ جوسپارلانىپ وتىر.
– ماماندار ءبىزدىڭ وڭىردە كەزدەسپەيتىن قانت قۇمايىن دا وندىرىستىك سىناقتان وتكىزگەن بولاتىن. سۋارمالى جەردىڭ تۇزدىلىعىن تومەندەتىپ, قۇنارلى ماز ازىعى سانالاتىن وسى داقىل كولەمىن بيىل 200 گەكتارعا ارتتىرامىز دەگەن جوسپار بار. كەلەشەكتە
3 مىڭ گەكتارعا جەتكىزۋ ويلاستىرىلۋدا, – دەيدى وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى سەيىلبەك نۇرىمبەتوۆ.
سورتاڭ جەردىڭ قۇنارىن ارتتىراتىن قانت قۇمايى 1 گەكتار القاپتان 5-6 توننا تۇزدى بويىنا تارتىپ الادى. ءارى قۇنارلى مال ازىعى بولىپ ەسەپتەلەدى. سونىمەن قاتار وسى جىلى وبلىستا الما, ءجۇزىم القاپتارىنىڭ دا كولەمى ارتادى.
قىزىلوردا
