قازاقستان • 01 ءساۋىر، 2020

14 وتباسىعا قول ۇشىن سوزدى

19 رەتكورسەتىلدى

اتىراۋ وبلىسىنداعى قازاقستان حالقى اسسامبلەياسىنىڭ جانىنان قۇرىلعان قوعامدىق كەلىسىم كەڭەسى مەن ەتنو مادەني بىرلەستىكتەردىڭ مۇشەلەرى ەلىمىزدەگى توتەنشە جاعداي كەزىندە مۇقتاج وتباسىلارعا قول ۇشىن سوزۋدا.

جۋىردا اتالعان قوعامدىق كەڭەستىڭ مۇشەلەرى مەن «بىلينا» ەتنومادەني بىرلەستىگى جالعىز قالعان قاريالارعا جانە مۇمكىندىگى شەكتەۋلى بالالارى بار 14 وتباسىعا ازىق-ت ۇلىك تاراتىپ، ءار وتباسىعا 20000 تەڭگەدەن قارجىلاي كومەك كورسەتتى.

ەلدە جاريالانعان توتەنشە جاعدايعا بايلانىستى اتالعان ساناتتاعى ازاماتتىردىڭ جاعدايىن ەسكەرە وتىرىپ، كومەك بەرۋ شاراسىن ۇيىمداستىرعان قوعامدىق كەلىسىم كەڭەسىنىڭ توراعاسى نۇرجان ەرمۇحانوۆتىڭ ايتۋىنشا، بۇل وتباسىلار قالادان شالعاي جاتقان دامبى، گەولوگ، حيمپوسەلوك، الماگۇل، بالىقشى، اۆانگارد مولتەك اۋداندارىندا ورنالاسقان.

– بۇگىندە الەم ىندەتتەن قورعانىپ جاتىر. وسىنداي قيىن-قىستاۋ شاقتا بىرلەسىپ، ءبىر-بىرىمىزگە كومەك بەرگەنىمىز دۇرىس. جاناشىرلىق تانىتىپ، قولىمىزدان كەلگەنشە كومەكتەسەيىك. بۇگىن ءبىز دە شىن نيەتپەن قوي سويىپ، مۇقتاج جاندارعا تاراتتىق، قارجىلاي كومەك كورسەتتىك، – دەيدى «بىلينا» ەتنومادەني بىرلەستىگىنىڭ جەتەكشسى ا.كورابلەۆ.

سوڭعى جاڭالىقتار

ۇقساس جاڭالىقتار