قازاقستان • 01 ءساۋىر، 2020

«كورشىم اۋىرماسا، مەن دە اۋىرمايمىن...»

29 رەتكورسەتىلدى

اتىراۋ وبلىسىنا قاراستى ماحامبەت اۋدانى، ورتاقشىل اۋىلىنىڭ تۇرعىنى جىبەك مۇعاۋوۆا نەمەرەسىمەن بىرگە بەتپەردە تىگىپ، اۋىلداستارىنا تەگىن تاراتۋدا.

ءوزىنىڭ عانا ەمەس، وزگەنىڭ دە قامىن ويلاعان 63 جاستاعى زەينەتكەر وسى وبلىستاعى قازاقستان حالقى اسسامبلەياسىنىڭ جانىنان قۇرىلعان ماحامبەت اۋدانىنىڭ انالار كەڭەسىنىڭ توراعاسى. ول ەلىمىزدە توتەنشە جاعداي جاريالانعاننان باستاپ، ۇيىندەگى ماتا-جىپتەرىن جيناپ، بەتپەردە تىگە باستاعان. العاشقىدا وتباسى مۇشەلەرىنە تىككەن انا كوشەدە ساقتانباي جۇرگەن اۋىلداستارىن كورىپ، ولارعا دا بەتپەردەلەردى تىگىپ بەرۋدى قولعا الىپتى. ەكى كۇن ىشىندە 11 جاسار نەمەرەسى باقنۇرمەن بىرگە 50-گە جۋىق بەتپەردە تىگىپ، كورشىلەرىنە تاراتتى.

– وسىندايدا ءبىر-بىرىمزگە جاناشىرلىق تانىتپاعاندا قاشان تانىتامىز. مەن تىگەمىن، 4-ءشى سىنىپتا وقيتىن نەمەرەم ۇتىكتەيدى. ساقتانۋ شارالارىن قولعا الماعان اۋىلداستىرىمدى تەرەزەدەن كورسەم، شاقىرىپ الىپ، قولدارىنا ۇستاتىپ جىبەرىپ جاتىرمىن. ەگەر كورشىم اۋىرماسا، مەن دە اۋىرمايمىن، – دەيدى ج.شاماليقىزى.

تىگىنشى اجەي اۋىل كلۋبىنىڭ باسشىسىنا حابارلاسىپ، وندا جاس ەرىكتىلەرگە بەتپەردەلەر تىكتىرىپ، تۇرعىندارعا تاراتۋدى ۇسىنعان. الداعى ۋاقىتتا ءوزى دە ماتالارعا تاپسىرىس بەرىپ، ۇيدەن بەت پەردە تىگۋدى جالعاستارى بەرۋدى جوسپارلاپ وتىر.

سوڭعى جاڭالىقتار

ۇقساس جاڭالىقتار