ايماقتار • 01 ءساۋىر، 2020

«بورالداي ناننىڭ» تۇتىنۋشىلارى نانسىز قالمايدى

11 رەتكورسەتىلدى

ەلىمىزدەگى توتەنشە جاعدايعا بايلانىستى الماتى وبلىسىندا دا قاۋىپسىزدىك شاراسى كۇشەيتىلدى. قازىر ازىق-ت ۇلىك ساتاتىن دۇكەندەردەن باسقا ساۋدا ورىندارىنىڭ جۇمىسى تولىقتاي توقتاعان. ايماقتاعى تاعام وندىرەتىن كاسىپورىنداردان باسقا شاعىن ءوندىرىس ورىندارى دا ۋاقىتشا جابىلدى.

ال تۇرعىنداردى كۇندەلىكتى نان ونىمدەرىمەن قامتيتىن ناۋبايحانا مەن تسەحتاردىڭ جۇمىسى قاتاڭ قاداعالاۋعا الىنىپ، سانيتارلىق تالاپتار مەيلىنشە كۇشەيتىلدى. الماتى ماڭىنداعى اۋىلداردى كۇن سايىن نان ونىمدەرىمەن قامتىپ وتىرعان «بورالداي نان» جاۋاپكەرشىلىگى شەكتەۋلى سەرىكتەستىگى دە وسى ساناتقا كىرەدى. ناۋبايحانا تاۋلىگىنە 28 - 30 مىڭ دانا نان پىسىرەدى ەكەن. پىسكەن ناندى كۇن سايىن ىلە اۋدانى مەن قالاداعى ازىق-ت ۇلىك دۇكەندەرىنە جونەلتىپ وتىر. الماتى قالاسىنىڭ كارانتينگە جابىلۋىنا وراي جول قاتىناسىندا قيىندىق كەزدەسكەنىمەن، مۇقيات تەكسەرۋدەن ءوتىپ، زالالسىزدانعان ارنايى تاسىمال كولىكتەرى  «بورالداي ناننىڭ» تۇراقتى تۇتىنۋشىلارىن نانسىز قالدىرمايدى. قازىر دە ناۋبايحانا پىسىرگەن كادىمگى نان، توقاش، كونديتەرلىك ونىمدەرگە سۇرانىس بار. نان-توقاش ونىمدەرىنىڭ ساپاسى ستاندارتقا ساي، باعاسى دا تۇراقتى.

- توتەنشە جاعدايدا جۇمىسشىلاردىڭ الاڭسىز ەڭبەك ەتۋىنە مەملەكەت تاراپىنان بارلىق جاعداي جاسالعان. اۋدان اۋماعىنداعى ەلدى مەكەندەردە تۇراتىن جۇمىسشىلار ارنايى اۆتوبۋسپەن تاسىمالدانادى. ءبىزدىڭ ۇجىمداعى  قىزمەتكەرلەر مەكەمەنىڭ بوس بولمەلەرىنە ورنالاستىرىلعان. بۇگىندە نان زاۋىتىندا ەكىجۇزدەي ادام ەڭبەك ەتۋدە. تاسىمالداۋ جاعىنان دا قيىندىقتار جوق. اكىمشىلىك دەر كەزىندە جۇيەلى جۇمىس جاساۋدا. توتەنشە جاعدايعا تەز ارادا بەيىمدەلىپ، حالىقتى ۇزدىكسىز نانمەن قامتاماسىز ەتۋگە كوشتىك. ءبىز شىعاراتىن ناننىڭ باعاسى قىمبات ەمەس. جالپى، اۋداندا، قالا ماڭىندا نان تاپشىلىعى بولمايدى دەپ سەندىرەمىز، - دەيدى «بورالداي نان» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ۆلاديمير پاكت.

الماتى وبلىسى

سوڭعى جاڭالىقتار

ۇقساس جاڭالىقتار