قوعام • 01 ءساۋىر، 2020

سەنىمىمىزدى نىعايتقان ناقتى قادام بولدى

30 رەت كورسەتىلدى

ءبىزدىڭ بيلىككە بەرەتىن كومەگىمىز، ء«بىز بىرگەمىز!» دەگەن ۇراندى اۋىزبەن ەمەس، شىن پەيىلمەن ايتۋ جانە سونى ۇقىپتى اتقارۋ.

پرەزيدەنت قاسىم-جومارت كەمەل ۇلىنىڭ بۇل مالىمدەمەسى – بارلىق سالانى تەگىس قامتىعان ماڭىزدى مالىمدەمە بولدى. شىنى كەرەك، بارلىق قازاقستاندىق مەملەكەت باسشىسىنىڭ ءار ءسوزىن قاتتى الاڭداۋشىلىقپەن، زور جاۋاپكەرشىلىكپەن، ۇلكەن ۇمىتپەن تىڭدادى.  توتەنشە جاعدايدا حالىققا جاردەم كورسەتۋ، ولاردىڭ دەنساۋلىقتارىنا الاڭداۋشىلىق ءبىلدىرۋ، كاسىپتەرىنىڭ تۇرالاپ قالماۋىنا قامقورلىق تانىتۋ، جۇمىسسىز قالعانداردىڭ جاعدايىنا قارايلاسۋ ۇلكەن كومەك بولىپ تابىلادى. مورالدىق قولداۋدان بولەك، ماتەريالدىق جاردەم بەرىلەتىنى ايتىلدى.  بۇل – حالىقتىڭ بيلىككە دەگەن سەنىمىن نىعايتاتىن ناقتى قادام دەپ بىلەمىن.

پرەزيدەنت ءوز مالىمدەمەسىندە سونداي-اق حالىقتىڭ بيلىككە دە كومەك قولىن سوزۋىن تاپسىردى. بۇل – ارقايسىمىز قاۋىپتى ىندەتتىڭ الدىن الۋدا ساقتىق شارالارىن كۇشەيتىپ، بىرلىك تانىتۋىمىز كەرەك دەگەن ءسوز. ءبىزدىڭ بيلىككە بەرەتىن كومەگىمىز، ء«بىز بىرگەمىز!» دەگەن ۇراندى اۋىزبەن ەمەس، شىن پەيىلمەن ايتۋ جانە سونى ۇقىپتى اتقارۋ.

قازاقتا «قاناعات قارىن تويعىزار» دەگەن قاناتتى ءسوز بار. ءبىزدىڭ تاۋبەشىل حالىق تالاي تار كەزەڭدى ارتقا تاستاپ وسى كۇنگە جەتكەن ەدى. مەملەكەت باسشىسى كەشەگى مالىمدەمەسى ارقىلى بۇل سىناقتان دا سىنباي وتەتىنىمىزگە زور سەنىم ءبىلدىرىپ وتىر.

 

 باقىتجان قاناپيانوۆ،

اقىن،

قازاقستاننىڭ ەڭبەك سىڭىرگەن قايراتكەرى

«پاراسات» وردەنىنىڭ يەگەرى

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار