«وتىنەمىن, ۇيدەن شىقپاڭىزدار. بۇل ءازىل ەمەس, وتە كۇردەلى جايت, ۇيدەن شىقپاڭىز. بۇل ۆيرۋستى جەڭەتىنىمىزگە سەنەمىن. ءبارى دە وتكىنشى مەن وعان سەنەمىن, مەن سىزدەرگە سەنەمىن, وزدەرىڭىزدى قورعاپ جۇرىڭىزدەر. ءبىز ۇيدە وتىرۋعا ءتيىسپىز. مەن دە قازىر ۇيدەمىن. قازاقستان استاناسى نۇر-سۇلتاندا ىنىممەن بىرگە Play station ويناپ وتىرمىن», دەدى ديماش قۇدايبەرگەن بەينەۇندەۋىندە.
بۇدان سوڭ ءانشى ساقتىق شارالارىنا نەمقۇرايلى قاراماۋ كەرەك ەكەنىن اتاپ ءوتتى.
«سىزدەرگە ەڭ الدىمەن دەنساۋلىق تىلەيمىن. كۇللى الەمدى بيلەگەن اۋىر ىندەتتىڭ الدىن الۋ ماقساتىندا اتقارىلىپ جاتقان بارلىق ساقتىق شارالارىنا نەمقۇرايلى قاراماۋعا شاقىرامىن. ءسال توزىمدىلىك تانىتىڭىزدار! اللا بارىمىزگە سابىر بەرسىن! ەلىمىز امان, جۇرتىمىز تىنىش بولعاي. بۇل دا ءبىر وتپەلى داۋرەن دەپ بىلەمىن. جاقسى ءسوز جارىم ىرىس دەيدى قازاقتا. ءبىز بۇل دەرتتى جەڭىپ شىعامىز», دەدى ول.
