بۇگىنگى تاڭدا وبلىستا توتەنشە جاعداي رەجيمىن بۇزعانى ءۇشىن 163 اكىمشىلىك ماتەريال قوزعالعان, ونىڭ ىشىندە 130 ءىس بويىنشا 67 ايىپپۇل تۇرىندەگى جازا قولدانىلدى. 62 تۇرعىن قاماۋعا الىنىپ, ءبىر ادامعا ەسكەرتۋ جاسالعان.
اتاپ ايتقاندا, قاراعاندى قالاسىنداعى «ۆولنا» دۇكەنىنىڭ ساتۋشىسى جۇمىس ورنىندا ماسكا تاقپاعانى ءۇشىن اتالعان نىساننىڭ يەسى 5 تاۋلىك مەرزىمگە اكىمشىلىك قاماۋعا الىندى.
سونىمەن قاتار, جەزقازعاندا دەزينفەكتسيالىق كىلەمنىڭ بولماۋى فاكتىسى بويىنشا «Sulpak» دۇكەنى فيليالىنىڭ ديرەكتورى ەكى تاۋلىككە قامالدى.
بارلىق مۇددەلى ورگانداردىڭ ىشىنەن قۇرىلعان ءموبيلدى توپتار توتەنشە جاعداي رەجيمىن بۇزۋ فاكتىلەرىنىڭ جولىن كەسۋ بويىنشا جۇمىستى جالعاستىراتىن بولادى. تالاپتاردى بۇزعان تۇلعالارعا قاتاڭ شارالار قولدانىلادى.
وبلىستىق پروكۋراتۋرا وڭىردەگى كاسىپكەرلەر مەن ازاماتتاردى بارلىق قاجەتتى قاۋىپسىزدىك شارالارىن قابىلداپ, توتەنشە جاعداي رەجيمىنىڭ جانە كارانتيننىڭ تالاپتارىن ساقتاۋعا شاقىرادى.
قاراعاندى وبلىسى
