ۆەدومستۆو باسشىسىنىڭ ايتۋىنشا, 28 ناۋرىزدان باستاپ نۇر-سۇلتان جانە الماتى قالاسىندا كارانتيندىك رەجىم كۇشەيتىلدى. مەكەمەلەر جۇمىسى توقتاتىلىپ, ازاماتتاردىڭ ۇيدەن شىعۋىنا شەكتەۋ قويىلدى. ادام كوپ جينالاتىن ورىندار جابىلىپ, كولىك قوزعالىسى شەكتەلدى. كوشەدە ءۇش ادامنان ارتىق جينالۋعا, سونداي-اق جاسوسپىرىمدەرگە جالعىز جۇرۋگە بولمايدى.
– ازىق-ت ۇلىك, ءدارى-دارمەك الۋ كەزىندە, نە بولماسا اۋرۋحانا, جۇمىسقا بارار كەزدەردە عانا كوشەگە شىعۋعا بولادى. باسقا كەزدە شىعۋعا تىيىم سالىنادى. ءتارتىپ بۇزعاندارمەن 3 كۇن بويى ءتۇسىندىرۋ جۇمىستارى جۇرگىزىلدى. ەرەجە بۇزعاندارعا بۇگىننەن باستاپ ايىپپۇل سالىنادى. ال قارسىلىق تانىتقاندار 15 تاۋلىككە دەيىن اكىمشىلىك قاماۋعا الىنادى, – دەدى ە.تۇرعىمباەۆ.
ونىڭ ايتۋىنشا, ازاماتتار مەن اۆتوكولىكتەردىڭ قوزعالىسى قاتاڭ تەكسەرىلەدى. جاياۋ جانە اۆتوكولىكتەگى پاترۋلدەر سانى كوبەيتىلدى. بەينەباقىلاۋ جۇيەسى ىسكە قوسىلدى. قوعامدىق ءتارتىپتى قامتاماسىز ەتۋ جانە ۇرلىق پەن توناۋ فاكتىلەرىن بولدىرماۋ ماقساتىندا بىرقاتار شارا قولعا الىنۋدا. ناتيجەسىندە, توتەنشە جاعداي جاريالانعان كەزدەن باستاپ ەل اۋماعىندا قىلمىس سانى 22%-عا ازايىپ وتىر.
سونىمەن قاتار جەكەلەگەن شەكتەۋ شارالارى اقتاۋ, اتىراۋ, قاراعاندى, تەمىرتاۋ, اباي, ساران, شاحتينسك قالالارىندا ەنگىزىلدى. اقمولا, اقتوبە, جامبىل, قوستاناي وبلىستارىنا كىرۋ جولدارى جابىلدى. ەرتەڭ سولتۇستىك قازاقستان جانە پاۆلودار وبلىستارىنا قاتىستى دا وسىنداي شارا قابىلدانادى. جالپى, ەل كولەمىندە رەجىمدى ساقتاۋدى قامتاماسىز ەتۋ ماقساتىندا كارانتين اۋماقتارىندا 147 بلوك-بەكەتتەر قويىلدى.
الايدا توتەنشە جاعداي كەزىندە قولعا الىنعان شەكتەۋلەر مەن تىيىم سالۋلارعا قاراماستان, قۇقىق قورعاۋ قىزمەتكەرلەرى زاڭ بۇزۋشىلىق فاكتىلەرىن ءالى دە انىقتاپ كەلەدى. ونداي جاعدايلارعا قاتىستى ۋاقتىلى شارالار قابىلدانىپ, ءتيىستى جۇمىستار جۇرگىزىلۋدە. ماسەلەن, كارانتين جاريالانعان نۇر-سۇلتان جانە الماتى قالالارىنا وتپەك بولعان 33 زاڭ بۇزۋشى جاۋاپقا تارتىلدى. سونىڭ اراسىندا بەلگىلى ءبىر مولشەردەگى قاراجات اقىسىنا جولاۋشىلاردى بلوك-بەكەتتەردى اينالىپ ءوتىپ تاسىمالداماق بولعاندار دا بار. ناتيجەسىندە 32 ازامات قامۋعا الىندى.
سانيتارلىق ەرەجەلەردى بۇزۋ, ينفەكتسيا جۇقتىرعان ادامداردىڭ ەم الۋدان باس تارتۋ جاعدايلارى جانە ولاردىڭ قارىم-قاتىناستا بولعان تۇلعالار تۋرالى اقپارات بەرمەۋ فاكتىلەرى دە تىركەلۋدە. بۇعان قاتىسى 4 سوتقا دەيىنگى تەرگەۋ امالدارى باستال-
دى.
كەيبىر جاۋاپسىز ازاماتتار بىلە تۇرا جالعان اقپارات تاراتۋىن ءالى دە جالعاستىرۋدا. جالعان حابارلامالاردىڭ اۆتورلارى ناقتى مەديتسينالىق مەكەمەلەردىڭ, ەلدى مەكەندەردىڭ, جۇقتىرعانداردىڭ, ولگەندەردىڭ سانىن كورسەتىپ, قولدانىستا جوق تىيىمدار تۋرالى ايتىپ, قوڭىراۋ شالادى, جازادى.
ماسەلەن 25 ناۋرىزدا كورەيادان اۋرۋ جۇقتىرىپ كەلگەندەر اقمولا وبلىسىنىڭ اۋرۋحانالارىندا جاتقىزىلعانى تۋرالى جالعان اقپاراتتى الەۋمەتتىك جەلىدە تاراتقان كوكشەتاۋلىق ازاماتتار توبى ۇستالدى. ءبىر كۇننىڭ ىشىندە (29 ناۋرىز) اتىراۋ وبلىسىندا ينفەكتسيانىڭ تارالۋى تۋرالى الەۋمەتتىك جەلىلەردە جالعان اقپارات تاراتۋدىڭ 3 فاكتىسى تىركەلدى.
– ءبارىڭىزدى سابىرعا شاقىرىپ, جاعدايعا اسا جاۋاپكەرشىلىكپەن قاراۋدى سۇرايمىن. شەكتەۋ مەن كارانتين جاريالاۋ – ۆيرۋستىڭ جاپپاي تارالماۋى ءۇشىن جاسالعان قادام. قازىر ازاماتتاردىڭ دەنساۋلىعى مەن ءومىرىن قورعاۋ ءۇشىن الدىڭعى شەپتە جۇرگەن – دارىگەرلەر, پوليتسەيلەر جانە اسكەريلەر. ءبارىمىز ءبىر-ءبىرىمىزدى قولداپ, الەمگە تونگەن قاۋىپپەن بىرگە كۇرەسۋىمىز قاجەت, – دەپ تۇيىندەدى ۆەدومستۆو باسشىسى.
