پرەزيدەنت • 31 ناۋرىز، 2020

پرەزيدەنت: جانارماي 15 پايىزعا ارزاندايدى

1188 رەتكورسەتىلدى

بۇل تۋرالى رەسپۋبليكالىق تەلەارنالاردىڭ ەفيرىنەن ەلىمىزدەگى توتەنشە جاعدايعا جانە مەملەكەتتىڭ داعدارىسقا قارسى ءىس-شارالارىنا بايلانىستى مالىمدەمەسىندە پرەزيدەنت قاسىم-جومارت توقاەۆ ايتتى.

«شاعىن جانە ورتا بيزنەسكە كومەك كورسەتۋ ءۇشىن بۇرىن-سوڭدى بولماعان شارالاردى قولعا الىپ وتىرمىز. كاسىپكەرلەرگە كومەك كورسەتۋىمىز كەرەك. ويتكەنى كاسىپكەرلەر – ەكونوميكامىزدىڭ تىرەگى. اكىمدىكتەر كاسىپكەرلەردىڭ ءونىمىن كەم دەگەندە 6 اي بويى كەپىلدى ساتىپ الۋ ءتارتىبىن جولعا قويۋى كەرەك. شاعىن جانە ورتا بيزنەس وكىلدەرىن بيىلعى 1 قازانعا دەيىن ەڭبەكاقى تولەۋ قورىنان ۇستالاتىن سالىقتان بوستاۋدى تاپسىرامىن» دەدى مەملەكەت باسشىسى.

سونىمەن قاتار قازاقستان پرەزيدەنتى جانارمايدى ارزانداتۋ كەرەگىن ايتتى.

«اۋىل شارۋاشىلىعىمەن اينالىساتىن كاسىپكەرلەرگە دە قولداۋ كورسەتىلەدى. اتاپ ايتقاندا، بيۋدجەتتەن 70 ملرد تەڭگە بولىنەدى. كوكتەمگى ەگىس ناۋقانى ءۇشىن قاراپايىم زاتتار ەكونوميكاسى ارقىلى قوسىمشا 100 ملرد تەڭگە ءبولۋدى تاپسىرامىن. ەڭ الدىمەن، شاعىن جانە ورتا شارۋا قوجالىقتارىنا قولداۋ كورسەتكەن ءجون. سونىمەن قاتار ۇكىمەتكە جانارمايدىڭ نارىقتىق باعاسىن 15 پايىزعا ارزانداتىپ، 165 تەڭگەگە تومەندەتۋ مىندەتى جۇكتەلدى. وسىنى قامتاماسىز ەتۋ ءۇشىن 390 مىڭ توننا جانارماي جەڭىلدىكپەن ساتىلاتىن بولادى. جالپى، وسى ايتىلعان شارالار قازىرگىدەي كۇردەلى كەزەڭدە ازاماتتار مەن وتاندىق بيزنەستى قولداۋ ءۇشىن كەرەك. مۇنىڭ بارلىعى كوروناۆيرۋس ىندەتىنىڭ زالالىن جويۋعا كومەكتەسەدى دەپ سەنەمىن» دەدى ق.توقاەۆ.

سوڭعى جاڭالىقتار

ۇقساس جاڭالىقتار