قازاقستان • 31 ناۋرىز، 2020

ءبىر كۇندە 516 مارتە زاڭ بۇزىلدى

23 رەتكورسەتىلدى

كەشە نۇر-سۇلتان قالاسىنداعى قۇقىق قورعاۋ ورگاندارىمەن 516 اكىمشىلىك قۇقىق بۇزۋشىلىقتار انىقتالىپ، 150 ەسكەرتۋ جاسالدى. 366 اكىمشىلىك قۇقىق بۇزۋشىلىق تۋرالى حاتتاما تولتىرىلىپ، بارلىعى 2،8 ملن تەڭگەگە ايىپپۇل سالىندى.

قۇقىق بۇزۋشىلىقتاردىڭ باسىم كوپشىلىگى (319 فاكتى) كولىك سالاسىندا تىركەلىپ وتىر. ياعني، جول بەلگiلەرiمەن نەمەسە جولدىڭ ءجۇرۋ بولiگiندەگi تاڭبالارمەن كورسەتiلگەن تالاپتاردى ساقتاماۋعا قاتىستى – 116; بەلگiلەنگەن جىلدامدىقتان اسىرۋ بويىنشا – 75; قۇجاتتارى جوق جانە باسقارۋ قۇقىعى جوق ادامنىڭ كولiك قۇرالىن باسقارۋ فاكتىسى بويىنشا – 46 زاڭبۇزۋشىلىق ورىن الدى.

سونىمەن قاتار، تىنىشتىقتى بۇزۋ بويىنشا – 22، تىركەۋسىز تۇرۋعا قاتىستى – 91 جانە اباتتاندىرۋ قاعيدالارىن بۇزۋ بويىنشا – 32 دەرەكتەرى انىقتالدى.

بۇعان دەيىن، قالا اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى جەدەل شتابتىڭ شەشىمىمەن قوسىمشا شارالار قابىلدانىپ، سونىڭ ىشىندە ادامدار مەن جەكە كولىكتەردىڭ قوزعالۋىنا شەكتەۋ قويىلعان ەدى. وسىعان وراي، جەكە اۆتوكولىكتەردى تەك ەرەكشە جاعدايلاردا پايدالانۋعا نازار اۋدارىلۋدا.  

مەملەكەتتىك ورگاندارمەن قابىلدانىپ جاتقان بارلىق شارالار، سونىڭ ىشىندە ءوزىن-ءوزى وقشاۋلاۋ تۋرالى ۇسىنىمدار، حالىق دەنساۋلىعىن قورعاۋعا باعىتتالۋدا. جانە ءار تۇرعىن ءوزىنىڭ جانە اينالاسىنداعى ادامداردىڭ دەنساۋلىعىنىڭ قورعالۋىنا جاۋاپتىلىقپەن قاراۋى قاجەت.

سوڭعى جاڭالىقتار

ۇقساس جاڭالىقتار