قازاقستان • 31 ناۋرىز، 2020

تىكەلەي ەفير ارقىلى جۇما نامازىن وقۋعا بولا ما؟

57 رەتكورسەتىلدى

سوڭعى ۋاقىتتاردا جامان ىندەتتىڭ تەز تارالۋىنا بايلانىستى مەشىتتەرىمىزدە جۇما، جاماعات نامازدارى توقتاتىلدى. مۇنداي شەشىمدى قازاقستان عانا ەمەس، تۇركيا، ساۋد ارابياسى، وزبەكستان، قىرعىزستان، كۋۆەيت، مىسىر سىندى الەمنىڭ كوپتەگەن مۇسىلمان مەملەكەتتەرى قابىلدادى. بۇل تۋرالى قمدب ءباسپاسوز قىزمەتى حابارلادى.

وسى جاعدايعا بايلانىستى جۇما نامازىن تىكەلەي ەفير ارقىلى يمامعا ۇيىپ وقۋعا بولا ما دەگەن سۇراقتار جاماعات تاراپىنان تۋىنداۋدا. جالپى تىكەلەي ەفير ارقىلى جۇما، جاماعات نامازدارىن ۇيدە وتىرىپ سوعان ۇيىپ وقۋعا كەلەر بولساق، ءىلىم يەلەرى جۇما نامازى دا، جاماعات نامازى دا بۇل جولمەن وقىلسا دۇرىس ەمەس ەكەندىگىن بايانداعان. ەگەر كىمدە-كىم بۇل جولمەن ناماز وقىعان بولسا، ول نامازداردى قايتا وقۋى كەرەك بولادى. ويتكەنى بۇل جەردە جۇمانىڭ شارتتارى تولىق ورىندالىپ تۇرعان جوق. سونداي-اق كوپشىلىك عالىمدار ۇيۋشى ادامدار يمامنىڭ الدىنا شىعىپ كەتپەۋى كەرەك جانە يمام مەن ۇيۋشى ءبىر جەردە بولۋى كەرەك دەپ شارت قويعان. وعان قوسا يمام مەن ۇيۋشىنىڭ اراسىن جول، وزەن ءبولىپ تۇرسا دا ۇيۋشى ادامنىڭ نامازى دۇرىس بولمايدى. سوندىقتان جۇما كۇنى جۇمانىڭ ورنىنا ءتورت راكاعات بەسىن نامازى وقىلادى.

 


حاسان امانقۇل،

شاريعات جانە ءپاتۋا ءبولىمى مەڭگەرۋشىسىنىڭ ورىنباسارى

سوڭعى جاڭالىقتار

ۇقساس جاڭالىقتار