قازاقستان • 31 ناۋرىز، 2020

تەمىرجول ۆوكزالدارى ءۇشىن 40 000 ماسكا ساتىپ الىندى

6 رەتكورسەتىلدى

پويىزدار مەن ۆوكزالداردى دەزينفەكتسيالاۋ – «قتج» ۇك» اق ەرەكشە نازارىندا، دەپ حابارلادى ۇيىمنىڭ ءباسپاسوز قىزمەتى.

- وسىناۋ اۋىر كەزەندە تەمىرجولشىلار كۇشتەرى مەن قارجىلارىن جەدەل جۇمىلدىرا ءبىلدى. ەندىگى ەڭ باستىسى، ۆوكزالدار مەن وزگە دە تەمىرجول نىساندارىنداعى جاعدايدى ۇنەمى باقىلاۋدى ۇستاۋ جانە قارقىنىڭ باياۋلاتپاۋ، - دەدى «قتج» ۇك» اق ينفراقۇرىلىم جونىندەگى باسقارۋشى ديرەكتورى باۋىرجان ورىنباساروۆ.

 

ەلىمىزدىڭ بارلىق تەمىرجول ۆوكزالدارىن قاجەتتى مەرزىمگە دەيىن ۆيرۋسقا قارسى قۇرالدارمەن قامتۋ جونىندەگى جۇمىستار اياقتالدى. وسى ماقساتقا 40 مىڭ ماسكا، 72 مىڭ جۇپ قولعاپ، 5 مىڭ ليتر انتيسەپتيك جانە ت.ت. ساتىپ الىندى. ماگيسترالدىق جەلى بولىمشەلەرى ءۇشىن 1000 دوزاتور جەتكىزىلدى. تەمىرجول ۆوكزالدارى اكىمدىكتەر نەمەسە سەس قامتاماسىز ەتكەن تەپلوۆيزورلارمەن جابدىقتالعان.

تەپلوۆيزورلار الماتى، اقتوبە، ورال، اتىراۋ، ماڭعىستاۋ، قىزىلوردا، تۇركىستان، قاراعاندى، قوستاناي سياقتى وبلىس ورتالىقتارى مەن رەسپۋبليكالىق ماڭىزى بار قالالار ۆوكزالدارىندا، سونداي-اق تۇلكىباس، مانكەنت، جارىق، بەينەۋ ۆوكزالدارىندا بار.

ۆوكزالداردا تەمپەراتۋرا ولشەۋ مەديتسينا ماماندارىمەن جانە سەس قىزمەتكەرلەرىمەن جۇرگىزىلەدى.

بارلىق ۆوكزالداردا سانپين نورمالارىنا سايكەس تازارتۋلار كۇنىنە 4-رەتتەن جانە دە ادامداردىڭ ءجيى شوعىرلاناتىن جەرلەرىندە (كۇتۋ زالدارىندا، كاسسا زالدارىندا) دەزينفەكتسيالىق زاتتاردى پايدالانا وتىرىپ، ساعات سايىن جۇرگىزىلەدى. بۇدان باسقا، ەلىمىزدىڭ بارلىق وبلىس ورتالىقتارىندا سەس كۇشتەرىمەن ۆوكزال عيماراتتارىن تولىق دەزينفەكتسيالاۋ جۇرگىزىلەدى.

سوڭعى جاڭالىقتار

ۇقساس جاڭالىقتار