ونى قالاي رەتتەگەن ءجون؟ قازىرگى كەزدە بۇل پروبلەمانىڭ بىرقاتار نۇسقاسى قاراستىرىلۋدا. اتاپ ايتقاندا, اقتوبەلىك IT سالاسىنىڭ ماماندارى شالعايداعى ينتەرنەتى جوق اۋىلدار ءۇشىن راديوبايلانىس جۇيەسىن ۇسىنىپ وتىر. بۇل تىڭ وقىتۋ ءتاسىلى العا اۋدانىنداعى بەستاماق اۋىلىنداعى ورتا مەكتەپتە قاناتقاقتى جوبا رەتىندە ءوز جۇمىسىن باستاپ كەتتى.
بۇدان تيگەن العاشقى تاعىلىم – راديوبايلانىس جۇيەسى ينتەرنەتى جوق اۋىلدار ءۇشىن تاپتىرماس قۇرال ەكەندىگى. ياعني ەلىمىز بويىنشا تۇڭعىش رەت اقتوبە ايماعىندا جۇزەگە اسىرىلعان قاناتقاقتى جوبا وقۋشىلاردىڭ قاشىقتان ءبىلىم الۋىنا ءتاپ-ءتاۋىر مۇمكىندىكتەر تۋعىزا الاتىنى بەلگىلى بولىپ وتىر. اقتوبە وبلىسىنىڭ اكىمى وڭداسىن ورازالين بۇعان بەستاماق اۋىلىنداعى مەكتەپ وقۋشىلارىمەن تىكەلەي تىلدەسۋ ارقىلى كوز جەتكىزدى.
الدىن الا جاسالعان تالداۋلار مەن ساراپتامالار وبلىستىڭ وزگە اۋداندارىنداعى بىرقاتار مەكتەپكە دە وسىنداي راديوبايلانىس جۇيەسى قاجەت ەكەنىن كورسەتەدى. سوعان سايكەس ءوڭىر باسشىسى تاراپىنان وبلىستىق ءبىلىم باسقارماسىنا ونىڭ قانشاسى قاجەت ەكەندىگىن انىقتاۋ جونىندە ارنايى تاپسىرما بەرىلگەن. بۇل ءىس مارەگە تاياعان كەزدە It ماماندارى راديوبايلانىس جۇيەسىن ورنىقتىرۋ جۇمىستارىن قولعا الماق.
اقتوبە وبلىسى
