ايماقتار • 31 ناۋرىز، 2020

الماتى: جاڭادان ىندەت تابىلعان 9 ادام دا شەتەلدەن ورالعان

55 رەتكورسەتىلدى

بۇگىن الماتىداعى قوعامدىق دەنساۋلىق باسقارماسى باسشىسى تىلەۋحان ابىلداەۆ مەگاپوليستەگى 31 ناۋرىزداعى ساعات 14.00 كەزىندەگى مالىمەتتەرگە سايكەس، مەگاپوليستەگى ەپيدەميولوگيالىق جاعداي تۋرالى حاباردار ەتتى.

بۇگىنگە دەيىن الماتىدا كوروناۆيرۋستىق ينفەكتسياسىن جۇقتىرعان 82 وقيعا تىركەلسە، ونىڭ ىشىندە 7 ادام ستاتسيوناردا ەمدەلىپ، ۇيىنە شىقتى، قازىرگى كۇنى بۇل ادامدار ۇيلەرىندە 14 كۇندىك كارانتيندە جاتىر. ىندەتىنەن ارىلعاندار ىشىندە ءتورت ەر ادام، ەكى ايەل جانە ءبىر بالا بار.

بۇگىنگى كۇنى قالالىق جۇقپالى اۋرۋلار اۋرۋحانالارىندا بارلىعى 76 پاتسيەنت كوروناۆيرۋستان ەمدەلىپ جاتىر، ونىڭ ىشىندە 2-ءى بالا بار.

ەمدەۋگە جاتقىزىلعانداردىڭ ءبىرى الماتى وبلىسىنىڭ تۇرعىنى. 1971 جىلى تۋىلعان، جرۆي بەلگىلەرى پايدا بولىپ، جاعدايى ناشارلاعان ايەل الماتىداعى كوپبەيىندى كلينيكالىق اۋرۋحاناسىنا جۇگىنگەن. پاتسيەنتتىڭ اناليزدەرى ەكى جاقتى، تومەنگى دارەجەلى پنەۆمونيا بار ەكەنىن كورسەتكەننەن كەيىن، COVID 2019-عا تالداۋلار الىندى. ناتيجەسى راستالدى. 30-ى كۇنى قالالىق جۇقپالى اۋرۋلار اۋرۋحاناسىنا ەمدەۋگە جاتقىزىلدى.

بۇگىنگى كۇنى 66 ناۋقاستىڭ جاي-كۇيى – قاناعاتتانارلىق. 1 ەرەسەك ناۋقاستىڭ جاعدايى اۋىر. 9 ەرەسەك ادامنىڭ دەنساۋلىعى ورتاشا (1 وبلىستىق).

ەكى جاسار بالانىڭ دەنساۋلىعى دۇرىستالىپ كەلەدى. بۇگىن سوڭعى تالداۋلارى تەرىس ناتيجە بەرسە، ول دا اۋرۋحانادان شىعادى.

جاڭادان انىقتالعان 9 ادامنىڭ بارلىعى دا شەتەلدەن ورالعاندار. كەشە، 30 ناۋرىزدا ىستامبۇل–الماتى رەيسىمەن بەس ادام ۇشىپ كەلدى. التىنشى پاتسيەنت 29 ناۋرىزدا مينسك–الماتى رەيسىمەن جانە وسى ايدىڭ ءار كۇندەرى دۋبايدان ءۇش ىندەت جۇقتىرعان ادام ۇشىپ كەلگەن.

بۇگىنگى كۇنى پروۆيزورلىق ورتالىقتاردا 697 ادام كارانتيندە جاتىر، ونىڭ ىشىندە – 84 بالا، ەكى كۇندىك كارانتيندە 1029 ازامات جانە 3156 ادام ءۇي كارانتينىندە جاتىر.

 

الماتى

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار