ەكونوميكا • 31 ناۋرىز، 2020

ەلگە ازىق-ت ۇلىك كىرگىزۋ ءراسىمى جەڭىلدەتىلدى

200 رەتكورسەتىلدى

قارجى مينيسترلىگى ەلگە ازىق-ت ۇلىك كىرگىزۋ شارالارىن بارىنشا جەڭىلدەتتى. يمپورتتالاتىن ازىق-ت ۇلىكتەردى جەتكىزۋ ءۇشىن «جاسىل ءدالىز» جۇمىس ىستەيدى. كەدەندىك كەدەرگىلەر جويىلىپ،  تەكسەرىستەر مەن تاۋارلاردىڭ قۇنىن باقىلاۋ راسىمدەرى الىنىپ تاستالدى. 

سونداي-اق 2020 جىلعى 22 ناۋرىزدان باستاپ ۇكىمەت جەكەلەگەن تاۋارلاردى قازاقستاننان شىعارۋعا تىيىم سالدى. ولاردىڭ قاتارىندا قاراقۇمىق، ۇن، قانت، كارتوپ، ءسابىز، شومىر، قىزىلشا، پياز، ورامجاپىراق، كۇنباعىس ءدانى، كۇنباعىس مايى بار.

مەملەكەتتىك كىرىستەر كوميتەتى بۇل تاۋارلارعا ەكسپورتتىق كەدەندىك باقىلاۋدى كۇشەيتىپ، «استانا-1» ەلەكتروندى دەكلاراتسيالاۋدىڭ اقپاراتتىق جۇيەسىندە ولاردى ەكسپورتتاۋعا تىيىم سالدى.

قارجى مينيسترلىگى، شەكارا قىزمەتى جانە دەنساۋلىق ساقتاۋ مينيسترلىگىنىڭ بىرلەسكەن شەشىمىنە ساي، ادەتتەگى جۇيە بويىنشا جۇمىس ىستەيتىن جۇك وتكىزۋ بەكەتتەرى بەلگىلەندى.

وسىلايشا، قىتاي حالىق رەسپۋبليكاسى مەن قازاقستان اراسىندا «نۇرلى جول» جانە «دوستىق» وتكىزۋ بەكەتتەرى (اۆتوكولىكتەر ءۇشىن) جۇمىس ىستەيدى.

بارلىق حالىقارالىق شەكارا بەكەتتەرىندەگى وتكىزۋ پۋنكتتەرىندە سانيتارلى-كارانتيندىك باقىلاۋ كۇشەيتىلگەن. سانيتارلىق-ەپيدەميولوگيالىق قىزمەت جۇمىسشىلارى جۇمىلدىرىلعان،  وتكىزۋ بەكەتتەرى جىلۋ سەزگىش قۇرالدار جانە پيرومەترلەرمەن جاراقتاندىرىلعان،  ناۋقاس ادامدار انىقتالعان جاعدايدا، ولاردى ۋاقىتشا وقشاۋلاۋعا ارنالعان ەم-شارالىق بولمەلەر قاراستىرىلعان.

سوڭعى جاڭالىقتار

ۇقساس جاڭالىقتار