BIRGEMIZ ۇرانىمەن 150-دەن استام ۇيىمدى بىرىكتىرەتىن فرونت-وفيس ۆولونتەرلەرى الداعى ۋاقىتتا بۇل بەتپەردەلەردى بالالار ۇيلەرىنە, اۋرۋحانالارعا جانە حالىقتىڭ الەۋمەتتىك وسال توپتارىنا بەرۋدى كوزدەپ وتىر. بۇل جۇمىستار باستالىپ تا كەتتى.
ماسەلەن, «ۇلتتىق ۆولونتەرلەر جەلىسىنىڭ», «مەيىرىمدىلەر كلۋبىنىڭ» جانە «استانا جاستارىنىڭ» ۆولونتەرلەرى «نۇرلى جۇرەك», «شاراپات» الەۋمەتتىك قىزمەت كورسەتۋ ورتالىقتارىندا جانە ەلورداداعى بالالار ۇيىندە بولىپ 14,5 مىڭ بەتپەردەنى تاراتىپ ۇلگەردى. قالعان بەتپەردەلەر نۇر-سۇلتان جانە الماتى قالالارىنداعى مۇقتاج ازاماتتارعا ۇلەستىرىلەدى. بۇل ورتاق ىسكە ءار وتانداسىمىز ءوز ۇلەسىن قوسا الادى.
ءوز كەزەگىندە ەلىمىزدىڭ بارشا ۆولونتەرلەرى مەملەكەت باسشىسى قاسىم-جومارت توقاەۆقا ۆولونتەرلىك قوزعالىستىڭ قۇرمەتتى ەلشىسى رەتىندە وسىنداي يگى اكتسياعا قاتىسىپ, مۇقتاج جاندارعا بەتپەردە ۇسىنعانى ءۇشىن شىنايى العىسىن بىلدىرۋدە.
