ايماقتار • 28 ناۋرىز، 2020

شىمكەنت قالاسىنىڭ اكىمى كارانتينگە جابىلعان تۇرعىن الابىنىڭ جاعدايىمەن تانىستى

167 رەتكورسەتىلدى

بۇگىن شىمكەنت قالاسىنىڭ اكىمى مۇرات ايتەنوۆ كارانتينگە جابىلعان اباي اۋدانىنداعى «تاۋەلسىزدىككە 20 جىل» تۇرعىن ءۇي الابىنا بارىپ، وندا ورناتىلعان باقىلاۋ بەكەتىنىڭ جۇمىسىن كورىپ قايتتى.

شاھار باسشىسى كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا اباي اۋدانىنىڭ اكىمى بۇحارباي پارمانوۆپەن بىرگە اتالعان تۇرعىن الابتا تۇسىندىرمە جۇمىستارىن جۇرگىزىپ، ساقتىق شارالارىمەن تانىستى. قازىرگى تاڭدا مۇنداعى جاعداي تولىق باقىلاۋدا. قالا اكىمى تۇرعىندارعا كوشەلەردە نەگىزسىز جۇرمەۋدى، بارىنشا ساقتىق شارالارىن ۇستانىپ، بەتپەردە كيۋدى ەسكەرتتى. 

ايتا كەتسەك، شىمكەنتتە كوروناۆيرۋس ىندەتىنە قارسى بەلسەندى كۇرەس جۇرگىزىلۋدە. وسى ماقساتتا شىمكەنتتە 2020 جىلدىڭ 28-ءشى ناۋرىزىندا تۇنگى ساعات 12:00-دەن باستاپ كەلەسى قوسىمشا شەكتەۋ شارالارى ەنگىزىلمەك. اتاپ ايتساق، شىمكەنت اۋەجايىنىڭ، تەمىرجول ۆوكزالىنىڭ جۇمىستارى، اۆيا جانە تەمىرجول قاتىناستارى توقتاتىلىپ، قالاداعى قوعامدىق كولىكتىڭ جۇمىسى ساعات 6:00-دەن 21:00-گە دەيىن شەكتەلەدى.

قوعامدىق تاماقتانۋ ورىندارىنىڭ قىزمەتى ساعات 10:00-دەن 18:00-گە دەيىن شەكتەلىپ، ساعات 18:00-دەن 22:00-گە دەيىن قوعامدىق تاماقتانۋ ورىندارىنىڭ جۇمىسى «تاعامداردى ۇيگە جەتكىزۋ» رەجيمىندە جۇزەگە اسىرىلادى. ءىرى ساۋدا ورتالىقتارىنداعى ويىن-ساۋىق ايماقتارىنىڭ، سپورت كەشەندەرىنىڭ قىزمەتتەرى ۋاقىتشا توقتاتىلماق.

 

شىمكەنت 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار