كوروناۆيرۋس • 28 ناۋرىز، 2020

ۆيرۋس جۇقتىرعانداردىڭ 90 پايىزى ناۋقاسپەن بايلانىستا بولعان

148 رەتكورسەتىلدى

كەشەلى بەرى ەلوردادا 47 ادامعا كوروناۆيرۋس جۇققانى انىقتالدى. بۇگىن قالالىق اكىمدىكتە وتكەن بريفينگتە قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە كيسيكوۆا ءباسپاسوز ءماسليحاتىن وتكىزىپ، تىركەلگەن جاعدايلارعا قاتىستى مالىمدەمە جاسادى.

سوعان سايكەس، ەلوردادا 27 ناۋرىزدا – 15، 28 ناۋرىزدا 32 كوروناۆيرۋس جۇقتىرۋ وقيعاسى (كۆي) تىركەلگەن. سولاردىڭ 41-ءى، ياعني شامامەن 90 پايىزى بۇعان دەيىن ۆيرۋس جۇقتىرعاندارمەن جاقىن بايلانىستا بولعان، بۇرىن وقشاۋلانعان جانە ستاتسيونارلىق باقىلاۋداعى ادامدار.

مونيتورينگ بارىسىندا 6 ادامنىڭ ۆيرۋس جۇقتىرعانى انىقتالدى. ولاردىڭ بىرەۋى قولايسىز ەپيدەميولوگيالىق جاعدايى بار ەلدەن كەلگەن. قالعان 5 ادام كۆي ناۋقاستارىمەن بايلانىستا بولعان.

بۇگىن كۆي-دان ساۋىققان 11 ناۋقاس ۇيلەرىنە شىعارىلادى. ولار 16-17 ناۋرىزدا نۇر-سۇلتاننىڭ جۇقپالى اۋرۋلار اۋرۋحاناسىندا ستاتسيونارلىق ەمدەلدى.

«بارلىق پاتسيەنتتەر كۆي دياگنوستيكاسى مەن ەمدەۋدىڭ كلينيكالىق حاتتاماسىنا سايكەس ەمدەۋ سحەماسىن تولىق اياقتادى. جۇرگىزىلگەن ەمدەۋدەن كەيىن 24 ساعات ينتەرۆالىمەن كۆي-عا زەرتحانالىق زەرتتەۋ 2 رەت جاسالىپ، ساراپتاما تەرىس ناتيجە كورسەتتى. ولار 14 كۇن بويى ءۇي كارانتينىندە بولادى»، دەدى س. كيسيكوۆا.

سوڭعى جاڭالىقتار

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار