بالالارعا مەيىر توگىپ, بال سىيلاپ...

سارا نازارباەۆا بالالاردىڭ ۇلكەن دوسى ەكەندىگى بەلگىلى. جىل سايىن سارا الپىس­قىزىنىڭ باستاماسىمەن مەدي­تسي­نا­لىق مەكەمەلەردە ەمدەلىپ جات­قان وكپە جانە قاتەرلى ىسىك اۋرۋ­لارىمەن اۋىراتىن جەتكىن­شەكتەر, سونداي-اق جەتىم جانە اتا-انا قامقور­لىعىنان تىس قالعان با­لا­لار شيپالى بال الىپ تۇرادى. بۇل — بالعىن اعزانىڭ جان-جاقتى جە­تىلۋى جانە دەن­ساۋلىقتى جاق­سارتۋ ءۇشىن وتە-موتە قاجەت نارسە. بيىل رەسپۋبليكاداعى 228 مە­ديتسينالىق ءھام الەۋمەتتىك مەكە­مەلەردەگى 17329 بالاعا 10 مىڭ كيلوگرامم بال ءبولىنىپ وتىر. دەمەك, ءاربىر بالاعا شاققاندا 577 گرامنان كەلەدى دەگەن ءسوز. بالالارعا بال سىيلاۋ قۇرمە­تىنە “لەۋ فيرماسى” جشس دە­مەۋشىلىك كومپانياسى يە بولدى. شيپالى ءونىم ۇلتتىق ساراپتاما جانە سەرتيفيكاتتاۋ ورتالىعىندا تەكسەرىستەن وتكىزىلىپ, “تازا بال” ساناتىنداعى جوعارى باعاعا ابدەن سايكەستىگى اتاپ كورسەتىلدى. وسىناۋ بىرەگەي تابيعي بال اعزانىڭ ءتۇرلى اۋ­رۋلارمەن كۇرەسۋىنە كومەك­تە­سە­تىن, زات الماسۋدى جاقسارتىپ, ءومىر­لىك سەرگەكتىكتى ارتتىراتىن ءدا­رۋمەندەر مەن ميكروەلەمەنت­تەرگە اسا باي. الماتى قالاسىنداعى شيپا­جاي­لاردا, عىلىمي ورتالىقتاردا, اۋرۋحانالاردا, شيپاجاي ۇلگىسىن­دە­گى مەكتەپكە دەيىنگى مەكەمە­لەر­دە, بالالار ۇيلەرى مەن مەكتەپ-ين­تەرناتتاردا, ءۇمىت ۇيىندە, SOS با­لا­لار اۋىلىندا, بارلىعى 23 مە­ديتسينالىق بالالار مەكەمە­سىندە قازىرگى ۋاقىتتا 2493 بالا تاربيە­لەنۋدە جانە ەمدەلۋدە. ولارعا 1500 كيلوگرامعا جۋىق شيپالى بال اپارىپ بەرىلدى. بالدىڭ تا­سى­مالدانىپ تابىس ەتىلۋىن الماتى قالاسىنىڭ بالا­لار قۇقىقتارىن قورعاۋ ءجونىن­دەگى دەپارتامەنتى ۇيىمداستىر­عانىن ايتقان ءجون. اتالمىش دەپارتامەنت قازاق مەملەكەتتىك تسيركىمەن تىعىز باي­لانىس جاسايدى. ونەر يەلەرى ءار­تۇرلى قايىرىمدىلىق شارالارىن ۇيىمداستىرۋ جونىندەگى ءوتىنىش­تەر­گە ءاردايىم ىقىلاسپەن قۇلاق اسادى. ايتالىق, كۇنى كەشە ءوزىنىڭ گەماتولوگيا بولىمشەلەرىندە 73 بالا ەمدەۋدەن ءوتىپ جاتقان رەس­پۋب­ليكالىق بالالار اۋرۋلارى عى­لىمي-ورتالىعىندا قايىرىم­دى­لىق شاراسى ءوتتى. تسيركتىڭ ءبىر توپ ارتىستەرى جاس جەتكىنشەكتەرگە كو­ڭىلدى ويىن-ساۋىق قويىپ بەردى. قويىلىم سوڭىندا ءاربىر بالا سارا الپىسقىزىنىڭ سالەمدەمە­سىن – “بوبەك” بەلگىسىمەن ورنەك­تەلگەن پلاستيكتى بال قوراپشا­لا­رىن سىيلىققا الدى. جاناشىر قامقورلىعى مەن اقپەيىلدى ىقىلاسى ءۇشىن وعان بالالار مەن اتا-انالار العىس جاۋدىردى. ولاردىڭ ساۋىعىپ كەتۋگە دەگەن ۇمىتتەرى ارتا ءتۇستى. قورعانبەك امانجول.