ايماقتار • 28 ناۋرىز، 2020

جامبىل جەرىندەگى جۇيەسىز جۇمىستار

788 رەتكورسەتىلدى

جامبىل وڭىرىندە بىرقاتار جاقسى جوبالار جولعا قويىلعانىمەن، جۇيەسىز جۇمىستار دا بار بولىپ شىقتى. بۇگىندە مەملەكەت تاراپىنان قۇرىلىس قارقىنىن ارتتىرۋعا ايرىقشا كوڭىل بولىنۋدە. الايدا، نىساننىڭ جوبالىق-سمەتالىق قۇجاتىن ۋاقىتىلى دايىنداۋ جانە ونى مەملەكەتتىك ساراپتامادان وتكىزۋ – بيۋدجەتتىك باعدارلاما اكىمشىلەرىنىڭ قاشاننان بەرى قالىپتاسقان ماسەلەسى بولىپ وتىر.

بۇل ماسەلە وبلىستىق اكىمدىكتە دە كوتەرىلىپ، جامبىل وبلىسىنىڭ اكىمى بەردىبەك ساپارباەۆ بۇل جۇمىستاردىڭ اتقارىلۋىن سىنعا العان ەدى. جامبىل وبلىستىق قۇرىلىس باسقارماسىنىڭ باسشىسى جايىقباي شالداروۆتىڭ ايتۋىنشا، 2014-2018 جىلدارى باستالعان 70 جوبالىق-سمەتالىق قۇجات ءالى كۇنگە دەيىن ازىرلەنىپ بىتپەگەن. سونداي-اق، وبلىستىق ەنەرگەتيكا جانە تۇرعىن-ءۇي كوممۋنالدىق شارۋاشىلىق باسقارماسىنىڭ باسشىسى نۇرلان الدامجاروۆ تا سول سەكىلدى 20 جسق تۋرالى باياندادى.

«جوبالىق-سمەتالىق قۇجاتتاردى دايىنداۋ مەرزىمىنىڭ سوزىلۋىنىڭ باستى سەبەبى – جاۋاپتى مەملەكەتتىك ورگاندار تاراپىنان باقىلاۋدىڭ بولماۋى. نەگە ءتيىستى شارالاردى قابىلدامايسىزدار؟ 2013 جىلدىڭ جوبالاۋ-سمەتالىق قۇجاتتاماسى قازىر كىمگە كەرەك؟ ويتكەنى، قۇرىلىس ماتەريالدارىنىڭ باعاسى، تەحنولوگياسى مەن تالاپتارى تۇبەگەيلى وزگەردى. ال، مەملەكەتتىڭ اقشاسى جەلگە ۇشۋدا. تاعى ءبىر ماسەلە – سمەتانى دايىنداۋ كەزىندە باعانى نەگىزسىز كوتەرۋ. مۇنداي ءتاسىل دۇرىس ەمەس. بيۋدجەت قاراجاتىنا ۇقىپتى قاراۋ كەرەك. ول ءۇشىن جاڭا تەحنولوگيالاردى ەنگىزە وتىرىپ، جەرگىلىكتى ماتەريالداردى پايدالانۋ ماڭىزدى»، دەدى بەردىبەك ساپارباەۆ.

سونىمەن قاتار، اكىم ءوڭىردىڭ باس قۇرىلىسشىسىنىڭ جيىنعا دايىندىقسىز كەلگەنىن دە سىنعا الدى. شىنىندا دا سول سالاعا جاۋاپتى باسشىنىڭ اتقارا الماعان جۇمىسىن باسقاسى قالاي اتقارادى؟ ءوزى بىلمەگەندى وزگە قايدان بىلەدى؟ ءتيىستى سالا باسشىلارىنىڭ دا جاۋاپسىزدىعى جۇمىستىڭ جۇيەسىزدىگىنە اكەلىپ سوعادى.

 

جامبىل وبلىسى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار