قازاقستان • 28 ناۋرىز، 2020

«Nur Otan» پارتياسىنىڭ الەۋەتى پرەزيدەنتتىڭ كوروناۆيرۋسپەن كۇرەس باستامالارىن قولداۋعا جۇمىلدىرىلسىن - ەلباسى

33 رەتكورسەتىلدى

ەلباسى، «Nur Otan» پارتياسىنىڭ توراعاسى نۇرسۇلتان نازارباەۆتىڭ تاپسىرماسى بويىنشا پارتياىشىلىك تاڭداۋ ­– پرايمەريزدى كوروناۆيرۋسكە بايلانىستى ەلدەگى احۋال تۇراقتانعاننان كەيىن وتكىزۋ تۋرالى شەشىم قابىلداندى. ورتالىق اپپارات قازىرگى كەزدە پرايمەريز وتكىزۋ بارىسىندا ونلاين-تەحنولوگيانى پايدالانۋ مۇمكىندىگىن دە پىسىقتاپ جاتىر.

باستاپقىدا پارتياىشىلىك تاڭداۋدى بيىلعى 30 ناۋرىزدان باستاۋ جوسپارلانعان ەدى. كەيىننەن ونى وتكىزۋ مەرزىمى 15 ساۋىرگە اۋىستىرىلدى. بۇل رەتتە ساياسي كەڭەس وتىرىسىن وتكىزۋدىڭ توقتاتىلعانىن ەسكەرە وتىرىپ، پرايمەريز وتكىزۋ ەرەجەسىنىڭ جوباسىن قابىلداۋ بويىنشا داۋىس بەرۋ سىرتتاي جۇرگىزىلدى. بيىلعى 26 ناۋرىزدا پرايمەريز وتكىزۋ ەرەجەسى بەكىتىلدى.

«پرايمەريز وتكىزۋدى احۋال تولىق تۇراقتانعا دەيىن كەيىنگە قالدىرا تۇرۋ كەرەك. قازىر «Nur Otan»-نىڭ قىزمەتى تولىقتاي قايتا باعدارلاندى. پارتيانىڭ بارلىق رەسۋرسى پرەزيدەنت قاسىم-جومارت توقاەۆ باستاماسىمەن قولعا الىنعان كوروناۆيرۋسپەن كۇرەس جاعدايىندا مۇقتاج قازاقستاندىقتارعا كومەك ۇيىمداستىرۋ شارالارىنا قولداۋ كورسەتۋگە باعىتتالدى»، - دەپ اتاپ كورسەتتى ەلدىڭ تۇڭعىش پرەزيدەنتى نۇرسۇلتان نازارباەۆ.

ەلباسىنىڭ تاپسىرماسى بويىنشا «كەدەرگىسىز كەلەشەك»، «باقىتتى وتباسى» جانە «ارداگەرلەردى ارداقتايىق» پارتيالىق جوبالارى اياسىندا «Nur Otan» پارتياسى جالعىز باستى قارتتارعا، مۇگەدەكتەرگە جانە تۇرمىسى تومەن كوپبالالى وتباسىلارعا اتاۋلى كومەك كورسەتۋ ءۇشىن 150 ملن. تەڭگە باعىتتاعانىن اتاپ وتكەن ءجون. كوروناۆيرۋس ىندەتىنىڭ تارالۋىنا قارسى كۇرەسكە تۇڭعىش پرەزيدەنت قورىنان تاعى دا 200 ملن. تەڭگە ءبولىندى.

بولىنگەن قاراجاتتىڭ ارقاسىندا پارتيا بەلسەندىلەرى مەن «Jas Otan» ۆولونتەرلارى كۇن سايىن حالىقتىڭ الەۋمەتتىك ءالسىز ساناتتارىن انتيسەپتيكا جانە گيگيەنا قۇرالدارىمەن، ءبىرىنشى كەزەكتە قاجەت تاۋارلارمەن جانە باسقالارمەن بايلانىسسىز تاراتۋ جولىمەن قامتاماسىز ەتۋدە. سونىمەن بىرگە «Nur Otan» پارتياسى نۇرسۇلتان نازارباەۆتىڭ باستاماسىمەن كوروناۆيرۋسپەن كۇرەس جاعدايىندا مۇقتاج ازاماتتارعا قولداۋ كورسەتۋ ءۇشىن قۇرىلعان «Birgemiz» قوعامدىق قورىنا ءوزىنىڭ بارلىق ۇيىمدىق رەسۋرسىن قايتارىمسىز نەگىزدە ۇسىندى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار