قازاقستان • 27 ناۋرىز، 2020

كارانتين كەزىندە جاتاقحانادا جاتادى

42 رەت كورسەتىلدى

قالا اۋماعىنان تىس جەردە تۇراتىن پوليتسيا دەپارتامەنتىنىڭ 700-گە جۋىق قىزمەتكەرى كارانتين كەزىندە ۆيرۋس تارالماس ءۇشىن الماتى قالاسىنىڭ جاتاقحانالارىنا ورنالاستىرىلدى.

– قالا كارانتين رەجيمىندە بولعاندىقتان، كەز كەلگەن تۇرعىن جۇقپالى اۋرۋدىڭ قوزدىرعىشى بولۋى ىقتيمال. توتەنشە جاعدايدا قۇقىق قورعاۋ جۇيەسىنىڭ جۇمىسى كۇشەيىپ، پوليتسيا قىزمەتكەرلەرىنىڭ حالىقپەن بايلانىسى – جۇمىستىڭ اجىراماس بولىگىنە اينالادى. پوليتسيا جۇمىسىنىڭ ەرەكشەلىگىنە بايلانىستى قالا سىرتىندا تۇراتىن ءتارتىپ ساقشىلارىن ۋاقىتشا تۇرعىن ۇيمەن قامتاماسىز ەتۋ تۋرالى شەشىم قابىلداندى. مەملەكەت ەسەبىنەن ءبىزدىڭ قىزمەتكەرلەرگە بارلىق جاعداي جاسالدى. كارانتين كەزىندە الماتىنىڭ بارلىق پوليتسيا قىزمەتكەرلەرى كازارمالىق رەجيمدە – قالادا بولادى، – دەدى الماتى قالالىق پوليتسيا دەپارتامەنتى باسشىسىنىڭ ورىنباسارى ابدۋالي ناشاربەكوۆ.

ءتارتىپ ساقشىلارى تۇراتىن جاتاقحانالاردا تۇرمىسقا قاجەتتىنىڭ ءبارى بار. پوليتسەيلەردىڭ پىكىرىن تىڭداپ كورۋگە بولادى. بۇل تۋرالى ءتارتىپ ساقشىلارى دا اشىپ ايتۋدا.

– ۇيدە ءۇش بالام، ايەلىم جانە انام قالدى. ارينە، ءبىز ساعىنامىز. بىراق بۇل – قىزمەت. تۋىسقاندار الدىنداعى جاۋاپكەرشىلىك بار، وزىمىزگە جۇكتەلگەن مىندەتتەر بار، ءبارىن تۇسىنەمىز. تۇرعىن ءۇي جاعدايلارىنا قاتىستى شاعىم جوق، ءبارى بار دەۋگە بولادى. قاجەت بولعان كەزدە كازارمادا، شاتىرلى لاگەرلەردە دە تۇرامىز، ەڭ باستىسى – ەلىمىز تىنىش بولسا، ازاماتتارىمىزعا قاۋىپ تونبەسە بولدى، – دەيدى مەتروپوليتەندەگى پوليتسيا باسقارماسىنىڭ قىزمەتكەرى قۋات بايشۋاقوۆ.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار