سوڭعى كۇندەرى ەلدەگى توتەنشە جاعدايعا بايلانىستى, قورعانىس قۇرالىنا سۇرانىس ارتتى. ءدارىحانالاردا بەتپەردەلەر جەتىسپەيدى, ءارى بۇكىل تۇرعىنداردى قامتاماسىز ەتۋ مۇمكىندىگى بولماي تۇر.
قاراعاندى وبلىسى قحا انالار كەڭەسىنىڭ مۇشەلەرى ماتا ساتىپ الىپ, بەتپەردەلەردى تىكسە, جاس ەرىكتىلەر ولاردى قالا تۇرعىندارىنا تاراتىپ قانا قويماي, ساقتىق شارالارى تۋرالى اقپاراتتاندىردى.
«الەمدى, ەلىمىزدى الاڭداتقان پاندەمياعا بايلانىستى سىن ساعاتتا قۇر تەككە وتىرا بەرۋ استە جاراسپايدى. وسىنداي كەزدە ەرىكتىلەر جەرلەستەرىنە كومەكتەسپەگەندە قاي كەزدە كومەكتەسەدى. ءبىز بۇگىن اۆتوبۋس جۇرگىزۋشىلەرىنە دە ساقتىق قۇرالدارىن تاراتتىق. قوعامدىق كولىك جۇرگىزۋشىلەرى – كۇن سايىن حالىقپەن ەڭ كوپ بايلانىستا بولاتىن قوعامنىڭ وسال توپتارىنىڭ ءبىرى بولىپ تابىلادى عوي. بۇل شارانى ءارى قاراي دا جالعاستىراتىن بولامىز», دەيدى ولار.
