ايماقتار • 27 ناۋرىز، 2020

اۋليەاتالىق اسكەريلەر قوعامدىق ورىنداردى دەزينفەكتسيالاۋدا

33 رەتكورسەتىلدى

كوروناۆيرۋس ىندەتىنىڭ الدىن الۋ جانە تۇرعىنداردىڭ قاۋىپسىزدىگىن قامتاماسىز ەتۋ ماقساتىندا «وڭتۇستىك» وڭىرلىك قولباسشىلىعىنىڭ اسكەري قىزمەتشىلەرى قولباسشىلىقتىڭ جاۋاپكەرشىلىك ايماعىنا كىرەتىن تاراز قالاسىنداعى قوعامدىق ورىنداردى دەزينفەكتسيالاۋعا كىرىستى. تاراز گارنيزونىنىڭ 250-دەن استام اسكەري قىزمەتشىسى كۇن سايىن سانيتارلىق جۇمىستارىن جۇرگىزۋدە. بۇعان دەيىن اسكەري قىزمەتشىلەر سانيتارلىق وڭدەۋدەن وتۋگە ءتيىستى نىسانداردىڭ ءتىزىمىن ازىرلەگەن بولاتىن. ولاردىڭ قاتارىندا «Mart» جانە «Small» ساۋدا ورتالىقتارى، «اۋىل بەرەكە»، «قايقارمەت» بازارلارى، تەمىرجول بەكەتى، اۋەجاي، اۆتوبەكەت جانە قالانىڭ باسقا دا ادام كوپ جينالاتىن ورىندارى بار.

دەزينفەكتسيالاۋ بۇركۋ جانە سۋارۋ ادىستەرىمەن جۇرگىزىلەدى. ول ءۇشىن «رۋبەج» حلور ەرىتىندىسى پايدالانىلۋدا. اتالعان ەرىتىندى ۆيرۋسقا توسقاۋىل قويۋعا جانە ونى بەلگىلەنگەن شەپتەن ءارى اسىرماۋعا باعىتتالعان. «رۋبەج» ەرىتىندىسىن سەبۋ نورماسى ءار شارشى مەترگە 1،5-2 ءليتردى قۇرايدى. كانيستردى ۇنەمى تولىقتىرىپ وتىرۋ ءۇشىن ءار وڭدەۋ ۋچاسكەسىنە ارنايى «ارس-14» اۆتوماتتاندىرىلعان قۇيۋ ستانساسى بولىنگەن. ول كۇن سايىن تاڭەرتەڭ كەرەكتى مولشەردە دەزينفەكتسيالىق ەرىتىندىمەن قامتىلىپ وتىرادى.

قالاداعى نىسانداردى سانيتارلىق وڭدەۋ بويىنشا اسكەري جۇمىستارعا «وڭتۇستىك» وڭىرلىك قولباسشىلىعىنىڭ رادياتسيالىق، حيميالىق جانە بيولوگيالىق قورعاۋ اسكەرلەرىنىڭ باستىعى، مايور مۇحتار ساتاەۆ باسشىلىق جاساۋدا. ول دەزينفەكتسيالىق جۇمىستاردى جۇرگىزۋگە تارتىلعان اسكەري قىزمەتشىلەردىڭ جاۋىنگەرلىك بەلسەندىلىگىنىڭ جوعارى ەكەنىن اتاپ ءوتتى. سونىمەن قاتار، اسكەريلەر قالانى سانيتارلىق وڭدەۋ بويىنشا بەرىلگەن تاپسىرمالاردىڭ جاۋاپكەرشىلىگىن سەزىنەتىنىن، ۆيرۋستىڭ تارالۋىن بولدىرماۋ ءۇشىن كۇن سايىن كەزەكشىلىككە دايىن ەكەنىن جەتكىزدى. سونىمەن قاتار، 85395 اسكەري ءبولىمىنىڭ رادياتسيالىق، حيميالىق جانە بيولوگيالىق قورعاۋ ۆزۆودىنىڭ كومانديرى، لەيتەنانت نۇرسۇلتان تالىپباەۆ تا ءاربىر ازاماتتىڭ قاۋىپسىزدىگى ءۇشىن ايانباي ەڭبەك ەتەتىنىن جەتكىزدى.

 

جامبىل وبلىسى

 

 

 

   

 

 

 

   

 

    

 

   

 

   

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار