كوروناۆيرۋس • 26 ناۋرىز، 2020

كوروناۆيرۋس جۇقتىرعان جۇلدىزدار نە دەيدى

101 رەتكورسەتىلدى

سوڭعى مالىمەتكە قاراعاندا Covid-19 دەرتى الەمنىڭ 196 ەلىنە تاراپ ۇلگەرىپتى. شامامەن 410 مىڭ ادام زارداپ شەگۋدە كورىنەدى. ءبىر تاڭدانارلىق جاعداي – بۇل ۆيرۋس ادام تاڭدامايدى. ءتىپتى الەم جۇرتتى جاقسى تانيتىن، اتاعىنان ات ۇركەتىن، دەنساۋلىعىندا ينەنىڭ كوزىندەي كىنارات جوق جۇلدىزداردىڭ ءوزى، ناقتىراق ايتقاندا، بەلدى باتكەتبولشى، اتاقتى اياقدوپشىلار دەرت جۇقتىرىپ، ەمدەلىپ جاتىر.

اقش ۇلتتىق باسكەتبول فەدەراتسياسىنىڭ «يۋتا جازز» كومانداسىنىڭ ويىنشىسى رۋدي گوبەر: «العاشىندا دەنەمنەن دەرت بەلگىسى تابىلدى دەگەندى ەستىپ، قاتتى ساستىم. قۇداي وڭداعاندا تەكسەرگەن دارىگەر ءوز ءىسىنىڭ شەبەرى ەكەن. ونىڭ ءسوزى كەرەمەت سابىر سىيلادى. ءبىر قىزىعى، تەمپەراتۋرام قالىپتى، سويتە تۇرا ىشكەن-جەگەن تاعامنىڭ ءدامىن سەزبەيمىن. دەسە دە دەرتتەن ايىعام دەگەن ءۇمىتىم زور»، - دەپتى.

بۇل ازامات تۋعان وتانى فرانتسياعا بارىپ، سول ەلدەن ۆيرۋس جۇقتىرىپ كەلگەن ەكەن. كەشە ونلاين ەفيرگە شىعىپ، كوزگە كورىنبەيتىن، ءيىسى سەزىلمەيتىن Covid-19 دەرتى ويناۋعا بولمايتىن دۇنيە ەكەنىن ايتىپ، ادامزاتتى قورعانۋعا شاقىردى.

 

باسكەتبولدان اقش ۇلتتىق قۇراماسىنىڭ مۇشەسى، “يۋتا جازز” كومانداسىنىڭ قورعاۋشىسى دونوۆان ميتچەلل ايتادى: «ماعان كوماندالاس سەرىگىم رۋدي گوبەردەن جۇققان سياقتى. دارىگەرلەردىڭ پايىمى سولاي. العاشىندا تىنىسىم تارىلىپ، وتە قيىن بولدى. وعان گوبەرگە دەگەن اشۋ-ىزا قوسىلدى. قازىر ءبىرشاما جاقسارىپ قالدىم. ءبارى قالپىنا كەلە جاتىر. جۇيەلى ەم-دوم قابىلداۋدامىن. قۇداي قالاسا6 جازىلامىن».

باسكەتبولدان اقش ۇلتتىق ليگاسى "برۋكلين" قۇراماسىنىڭ شابۋىلشىسى كەۆين ديۋرانت ايتادى: «وتە ساق بولۋ كەرەك ەكەن. بايقاۋسىزدا تاپ بولدىم. نەگىزى، بۇل دەرتى اۋىزدىقتاۋدىڭ جولى – كارانتين. بۇيىرسا، بۇنى دا جەڭەرمىز. قازىر دەنساۋلىعىم جاقسارىپ قالدى».

يتاليانىڭ "يۋۆەنتۋس" فۋتبول كلۋبىنىڭ شابۋىلشىسى پاۋلو ديبالا ايتادى: «مەندە تەمپەراتۋرا جوعارىلاۋ سياقتى دەرت بەلگىسى بولعان جوق. بىراق، وكىنىشتى جاعداي، مەنەن ۆيرۋس بەلگىسى انىقتالدى. بۇعان بولا كۇيىپ-پىسەتىن ەمەس. تاعدىر سالدى - قۇل كوندى. ءوز جانكۇيەرلەرىمە ايتارىم: قازىر دەنساۋلىعىم جاقسى».

"يۋۆەنتۋس" فۋتبول كومانداسىنىڭ شابۋىلشىسى دانيەل رۋگاني ايتادى: «العاش دەرتتىڭ بەلگىسى دەنەمنەن تابىلعاندا شوك بولدىم. ەشقاشان بۇلاي بولار دەپ ويلاماعان ەدءىم. مەنىڭ كەسىرىمنەن باسقالاردىڭ اۋرۋ جۇقتىرۋىن قالامايمىن. بۇل اۋرۋدان ساۋىعام، وعان سەنەم. بىراق ەلدىڭ ءسوزى قيىن بولىپ تۇر».