قوعام • 26 ناۋرىز، 2020

1414 وپەراتورىنىڭ جۇمىسى كۇشەيدى

41 رەتكورسەتىلدى

تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى «ۇلتتىق اقپاراتتىق تەحنولوگيالار» اق، «ازاماتتارعا ارنالعان ۇكىمەت» كەاق جانە «قازاقتەلەكوم» اق بىرلەسىپ، 1414 بىرىڭعاي بايلانىس ورتالىعىنىڭ جۇمىسىن كۇشەيتتى. ەندى ءبىر مەزەتتە 1 مىڭنان اسا ابونەنت قاجەتتى سۇراقتارىنا كەڭەس الا الادى. 

بۇل امال كوروناۆيرۋستىڭ تارالۋىنا بايلانىستى توتەنشە جاعداي ءتارتىبىنىڭ ەنگىزىلۋىنە، سونداي-اق جۇقپالى ىندەتتىڭ تارالماۋىنا جول بەرمەۋ ءۇشىن حالىققا قىزمەت كورسەتۋ ورتالىقتارىندا قاۋىپسىزدىك شارالارىن ەنگىزۋگە بايلانىستى قابىلداندى. 

قازىرگى جاعدايدا تسيفرلىق دامۋ مينيسترلىگى ازاماتتارعا مەملەكەتتىك قىزمەتتەردى ونلاين الۋعا كەڭەس بەرەدى. بۇگىندە مەملەكەتتىك قىزمەتتەردىڭ 80%-ى ەلەكتروندى ۇكىمەت پورتالى ارقىلى قولجەتىمدى، سول سەكىلدى قاجەتتى انىقتامالاردى eGov Mobile قوسىمشاسى جانە تەلەگرامداعى بوت ارقىلى الۋعا بولادى. 

مەملەكەتتىك قىزمەتتەردى الۋ بارىسىندا قانداي دا بىر قيىندىقتار مەن سۇراقتار تۋىنداعان جاعدايدا ازاماتتار 1414 بىرىڭعاي بايلانىس ورتالىعىنا ۇيالى جانە ستاتسيونارلى تەلەفوننان حابارلاسا الادى. قوڭىراۋ سوعۋ تەگىن. 

بىرىڭعاي بايلانىس ورتالىعىنىڭ كۇشەيتىلگەن تارتىپتە جۇمىس جاساۋىنا «ازاماتتارعا ارنالعان ۇكىمەت» مك» كەاق فرونت-كەڭسەلەرىنىڭ 600 قىزمەتكەرى جۇمىسقا تارتىلدى. جاقىن ارادا ولاردىڭ سانىن ارتتىرۋ جوسپارلانۋدا.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار