ايتا كەتەيىك، بۇعان دەيىن ە.تۇرعىمباەۆتىڭ تاپسىرماسى بويىنشا قاجك «ەڭبەك» رمك كولونيالارىندا بەتپەردەلەر تىگۋ جۇمىسى ۇيىمداستىرىلعان ەدى. «ەڭبەك» رەسپۋبليكالىق مەملەكەتتىك كاسىپورنى وسى بۇيىمداردى دايىنداۋعا سەرتيفيكاتتالعان رۇقسات الدى.

ستاندارتقا سايكەس، قورعانىس قۇرالىنىڭ ماتەريالى گيپواللەرگەندى سانالادى. شاڭنان قورعاۋ قاسيەتتەرىنە يە. سونىمەن قاتار اۋانى جاقسى وتكىزىپ، جۇقپالى اۋرۋلاردىڭ تاۋەكەلدەرىن ازايتادى.

قورعانۋ بەتپەردەلەرىن ىشكى ىستەر ورگاندارىنىڭ قىزمەتكەرلەرى پايدالانادى. ولار مەديتسينا قىزمەتكەرلەرىمەن بىرگە كارانتيندىك ءىس-شارالارعا قاتىسىپ، ەلدە ەنگىزىلگەن توتەنشە جاعداي كەزىندە قوعامدىق ءتارتىپ پەن اسا ماڭىزدى ستراتەگيالىق نىسانداردىڭ قورعانىسىن قامتاماسىز ەتەدى.

بەتپەردەلەردى تىگۋدى جاپپاي ىسكە قوسۋ ماقساتىندا ەلىمىزدەگى بارلىق ايماقتاردا ورنالاسقان قاجك مەكەمەلەرىندە تىگىن تسەحتارىنىڭ قىزمەتى جانداندىرىلدى. مىڭنان استام تىگىن ستانوكتارى مەن ماشينالارى ىسكە قوسىلدى. وندا تاۋلىگىنە 50000 دانا بەتپەردە تىگىلۋدە. بۇگىنگى تاڭدا قازاقستاندىق كولونيالاردا 130000-نان استام بەتپەردە ءوندىرىلدى.

«كوروناۆيرۋس جاعدايى قوعامىمىزدى بىرىكتىرىپ، ودان پەنيتەنتسيارلىق جۇيە دە شەتتە قالماعانىن اتاپ وتكىم كەلەدى. بۇگىن مەن ارشالى كەنتىندەگى مەكەمەگە باردىم. وندا بەتپەردە تىگۋ تسەحىندا 40 ادام جۇمىسقا ورنالاسقان. وزدەرىڭىز كورىپ وتىرعانداي، سانيتارلىق تالاپتار ساقتالادى، بەتپەردە تىگۋ ماتەريالدارى بار. سوتتالعاندار ەلدە قالىپتاسقان جاعدايدىڭ ماڭىزدىلىعىن تۇسىنە وتىرىپ، ەكى اۋىسىمدا جۇمىس ىستەۋگە دايىن. مەن قاجك-ءنىڭ جانە «ەڭبەك» رمك-نىڭ باسشىلىعىنا سوتتالعاندارعا جالاقى تولەۋدەن باسقا، ولاردى اقشالاي سىياقىمەن كوتەرمەلەۋدى تاپسىرامىن»، – دەدى ە.تۇرعىمباەۆ.

ىشكى ىستەر ورگاندارىنىڭ بارلىق جەكە قۇرامى ەرەكشە رەجيمدە جۇمىس ىستەيدى. مەديتسينا قىزمەتكەرلەرىمەن تىعىز قارىم-قاتىناستا كارانتيندىك ءىس-شارالارعا قاتىسۋدا. كۇن سايىن جاساق قىزمەتىنە 15000-نان استام پوليتسەي، قۇتقارۋشىلار مەن ۇلتتىق ۇلاننىڭ اسكەري قىزمەتشىلەرى تۇسەدى.