دەرتكە شالدىققانداردىڭ ەڭ كوبى (212 ادام) ەل استاناسى توكيودا تىركەلسە, حوككايدو پرەفەكتۋراسىندا 167 ادامعا جەتتى. سونداي-اق وساكا پرەفەكتۋراسىندا 149 ادامنىڭ ۆيرۋس جۇقتىرعانى ايتىلۋدا.
اتالعان ەلدەگى ءبىلىم جانە عىلىم مينيسترلىگى دۇنيەجۇزىن شارلاعان ەپيدەمياعا بايلانىستى جەرگىلىكتى اكىمشىلىكتەرگە ءبىلىم بەرۋ ۇيىمدارىنداعى قاۋىپسىزدىكتى ءجىتى باقىلاۋعا الۋدى تاپسىرۋدا. «جاعداي ءالى دە قالىپقا كەلگەن جوق. قانداي جاعدايعا بولسىن ازىرلىك جۇمىستارىن جالعاستىرۋ قاجەت. كەز-كەلگەن وقيعانى نازارعا العان ماڭىزدى» دەيدى جاپونيانىڭ ءبىلىم جانە عىلىم ءمينيسترى حاگيۋدا كويتي.
ونىڭ ايتۋىنشا, ەلدە ىندەت جاپپاي تاراعان جاعدايدا جەرگىلىكتى اكىمشىلىكتەرگە ءبىلىم بەرۋ ۇيىمدارىن جابۋ تۋرالى ءوتىنىش جولداناتىن بولادى. مەكتەپتەردە ساباق ءساۋىردىڭ العاشقى ون كۇندىگىندە باستالادى.
