سونىمەن قاتار, تاۋارلار مەن كورسەتىلەتىن قىزمەتتەردىڭ ساپاسى مەن قاۋپسىزدىگىن باقىلاۋ باسقارماسى وكىلدەرى سانيتارلىق تالاپتاردى ساقتاۋ تۋرالى تۇسىندىرمە جۇمىستارىن جۇرگىزسە, قالالىق توتەنشە جاعدايلار باسقارماسى ماماندارى دىبىس كۇشەيتكىش ارقىلى حالىق كوپ شوعىرلاناتىن ورىنداردا قاۋىپسىزدىك شارالارىن ساقتاۋ, توتەنشە جاعداي كەزىندەگى تالاپتار مەن جاۋاپكەرشىلىكتەر تۋرالى حابارلاندىرۋ جاسادى.
ايتا كەتۋ كەرەك, قالالىق جەدەل شتاب 16 ناۋرىزدان باستاپ, كوڭىل كوتەرۋ ورىندارى, مەيرامحانالار, ءدامحانالار جانە وزگە دە قوعامدىق ورىنداردا تۇنگى رەيد جۇمىستارىن كۇندەلىكتى جۇرگىزۋدە.
بۇگىنگى كۇنگە دەيىن قر «اكىمشىلىك قۇقىق بۇزۋشىلىق تۋرالى» كودەكسىنىڭ 476-بابى بويىنشا 19 حاتتاما تولتىرىلىپ, ءىس سوتقا جولداندى, ولاردىڭ 14-نە قاتىستى سوت شەشىمى شىعارىلدى.
ونىڭ, ىشىندە 12 ءدامحانا-رەستوران يەلەرىنە 10 اەك كولەمىندە ايىپپۇل سالىنسا, تالاپقا باعىنباعان 1 كاسىپكەر 5, تاعى ءبىرى 7 تاۋلىككە قاماۋعا الىنعان.
