قازاقستان • 26 ناۋرىز، 2020

شەتەلدەن ورالعاندارعا قانداي شارا قولدانىلادى؟

38 رەتكورسەتىلدى

بىرنەشە كۇننەن بەرى قازاقستان ازاماتتارىنىڭ شەتەلدەن ەلگە ورالىپ جاتقانى بەلگىلى. ولار قازىر ەلوردادا 3 قوناق ۇيگە ورنالاستىرىلعان. تاۋارلار مەن قىزمەتتەر قاۋىپسىزدىگى جانە ساپاسىن باقىلاۋ كوميتەتىنىڭ ءتورايىمى ليۋدميلا بيۋرابەكوۆا شەتەلدەن ورالعان ازاماتتارعا قانداي شارا قولدانىلاتىنىن مينيسترلىكتىڭ ارنايى وكىلى دياس احمەتشارىپكە بەرگەن سۇحباتىندا ايتتى.

ليۋدميلا بيۋرابەكوۆانىڭ ايتۋىنشا، ەلگە كەلگەن سوڭ ولاردان تەست الىپ، 12 ساعاتتىڭ ىشىندە ناتيجەسىن حابارلايدى. ەگەر ءبىر بورتتا كەلگەندەردىڭ بارلىعىنىڭ ناتيجەسى تەرىس، ياعني اراسىندا ۆيرۋس جۇقتىرعاندار بولماسا، قولحاتپەن قاتاڭ ءۇي كارانتينىنە جىبەرىلەدى. سيمپتومدار بايقالعان جاعدايدا، ءۇي كارانتينىندەگىلەر دارىگەرگە حابارلاسۋى كەرەك نەمەسە جەدەل جاردەم شاقىرۋعا ءتيىس.

«ال ەگەر ءبىر بورتتا كەلگەندەر اراسىندا ۆيرۋس جۇقتىرعاندار انىقتالسا، وعان جاقىن وتىرعان جولاۋشىلار دا ستاتسيوناردا باقىلاۋعا الىنادى. 14 كۇن ىشىندە ەكى رەت ساراپتاما جاسايمىز» دەپ اتاپ ءوتتى ليۋدميلا بيۋرابەكوۆا.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار