مەديتسينا • 26 ناۋرىز، 2020

كوروناۆيرۋسقا تەستتى كىم تاپسىرا الادى؟

78 رەتكورسەتىلدى

دەنساۋلىق ساقتاۋ مينيسترلىگىنىڭ تاۋارلار مەن قىزمەتتەر قاۋىپسىزدىگى جانە ساپاسىن باقىلاۋ كوميتەتىنىڭ ءتورايىمى ليۋدميلا بيۋرابەكوۆا ەلىمىزدە كوروناۆيرۋسقا تەستتى كىم تاپسىرا الاتىنىن، قانشا تەست بار ەكەنىن مينيسترلىكتىڭ ارنايى وكىلى دياس احمەتشارىپكە بەرگەن سۇحباتىندا ايتتى.

ء«بىز قىتايدان ساتىپ العان تەستتى قولدانىپ جاتىرمىز. سانى جەتكىلىكتى، جاقىندا 60 مىڭ داناسىن الدىق. كەلەسى اپتادا تاعى 150 مىڭ تەست الۋ جوسپاردا بار. قولدانىسىنا كەلەتىن بولساق، شەتەلدەن كەلگەن ازاماتتار مەن ۆيرۋس جۇقتىرعان اداممەن بايلانىستا بولعانداردى تەكسەرەمىز. پروفيلاكتيكالىق شارا رەتىندە كەز كەلگەن ادام وتە المايدى. بۇل دياگنوستيكالىق تەست بولعاندىقتان، سيمپتومدارى بولعان جاعدايدا عانا قولدانىلادى. ۆيرۋس انىقتالعان اداممەن بايلانىستا بولماعان، 1ا نەمەسە 1ب ساناتىنداعى ەلدەردەن كەلمەگەن ادامداردا اۋرۋدىڭ سيمپتومدارى بايقالماي، بۇل تەستتى تاپسىرعاننان ەش پايدا بولمايدى. تەك تەرىس ناتيجە كورسەتەدى، ال ول بىزگە ەش دياگنوستيكالىق اقپارات بەرمەيدى»،- دەدى ليۋدميلا بيۋرابەكوۆا.

ساراپتامانى جۇرگىزۋگە 7-8 ساعات ۋاقىت كەتەدى ەكەن. ال تەست تاپسىرعان ادامدار ادەتتە ناتيجەسىن 12 ساعاتتا بىلە الادى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار