مەديتسينا • 25 ناۋرىز، 2020

جەتىسۋ اۋرۋحانالارىنا 27 جاساندى تىنىس الۋ قوندىرعىسى قويىلدى

40 رەتكورسەتىلدى

ەلىمىزدە جۇقپالى ىندەتتىڭ جىلدام تارالۋىنا وراي ايماقتاعى اۋرۋحانالار مەن مەديتسينا قىزمەتكەرلەرىنىڭ جۇمىسى ەرەكشە جاعدايدا كوشىرىلۋدە. قازىر الماتى وبلىسىندا 9 مىڭعا جۋىق ناۋقاس قابىلدايتىن ورىن دايىن تۇر. قاجەت بولعان جاعدايدا توسەك ورىن سانىن 11 مىڭعا دەيىن جەتكىزۋ مۇمكىندىگى بار.

بۇل تۋرالى ايماق باسشىسى اماندىق باتالوۆتىڭ توراعالىعىمەن وتكەن سەلەكتورلىق وتىرىستا وبلىس اكىمىنىڭ ورىنباسارى باتىرجان بايجۇمانوۆ مالىمدەدى. قاۋىپسىزدىك شارالارىنىڭ كۇشەيتىلۋىنە وراي ايماقتا ادام كوپ جينالاتىن ورىنداردىڭ جۇمىسىنا شەكتەۋ قويىلىپ، قاجەت قىزمەت قاشىقتان كورسەتىلۋدە. ياعني، وبلىستاعى حالىققا قىزمەت كورسەتۋ ورتالىقتارى وسى رەجيمدە جۇمىس ىستەۋدە. ال جۇقپالى ىندەتتىڭ الدىن الۋ بويىنشا مەكتەپكە دەيىنگى تاربيە بەرەتىن ورىندار تولىقتاي جابىلعان.

- وبلىس اۋرۋحانالارىنا قاجەتتى 27 جاساندى تىنىس الۋ اپپاراتى ساتىپ الىندى. جاقىن كۇندەرى اپپاراتتار ەمدەۋ ورتالىقتارىنا جەتكىزىلەدى. جالپى، سۇرانىس بويىنشا ايماققا ءالى دە 83 جاساندى تىنىس الۋ قوندىرعىسى كەرەك. بۇل ماسەلەنى شەشۋدىڭ جولدارىن قاراستىرىپ جاتىرمىز، - دەدى وبلىس اكىمىنىڭ ورىنباسارى باتىرجان بايجۇمانوۆ.

 

الماتى وبلىسى 

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار